Jambyl oblysyndaǵy jaǵdaıǵa baılanysty turǵyndarǵa kómektesý úshin óńirdiń tótenshe jaǵdaılar, quqyq qorǵaý jáne medısına salasynyń ókilderi barynsha jumyldyrylǵan, dep habarlaıdy Egemen.kz.
«Jarylys zardaptaryn joıý jáne evakýasııalanǵan turǵyndardy kerek-jaraqpen, ystyq tamaqpen qamtamasyz etý boıynsha jumystar júrgizilýde. Meniń basshylyǵymmen qurylǵan jedel shtab barlyq qajetti sharalardy atqarýda», dep jazdy oblys ákimi Berdibek Saparbaev feısbýkte.
Onyń sózinshe, zardap shekkender Taraz qalalyq jáne aýdandyq aýrýhanalarǵa jetkizilgen. Qazirgi tańda medısınalyq kómek kórsetilýde.
Sondaı-aq ol Qorǵanys jáne Tótenshe jaǵdaılar mınıstrlerimen birlesip, tıisti sheshimder qabyldanyp jatqanyn jetkizdi.