Qorǵanys mınıstri general-leıtenant Nurlan Ermekbaev laýazymdy tulǵalarǵa oq-dárilerdi saqtaıtyn eki bazanyń qurylysyn uıymdastyrý jumystaryn jedeldetýdi tapsyrdy, dep jazady Egemen.kz.
Atalmysh obektilerdiń qurylysy 2019 jylǵy QR Qarýly Kúshterdegi qarý-jaraq pen oq-dárilerdi saqtaý obektilerin jetildirýdiń Keshendi josparynda qarastyrylǵan.
«Obektilerdiń qurylysy oq-dárilerdi qaýipsiz saqtaýdyń barlyq jolyn eskere otyryp uıymdastyrylǵan. Sondaı-aq kúzettiń tehnıkalyq quraldary, beınebaqylaý jáne avtomatty órt sóndirý júıeleri kózdelgen. Onda Qorǵanys mınıstrliginiń bastamasymen 2020 jyly zańnamaǵa engizilgen ózgeristerge sáıkes qoımalardy eldi mekenderden alshaqtatý, sondaı-aq arsenaldar men bazalar janyndaǵy tyıym salynǵan aımaqtar men aýdandardyń shekaralaryn saqtaý da eskerilgen», dep jazylǵan Qorǵanys mınıstrliginiń habarlamasynda.