Astanada kesheden beri Ońtústik Koreıadan kelgen tatamı sheberleri óner kórsetip jatyr. Bul týraly egemen.kz tilshisi habarlady.
Keshe Tańǵy shyq eliniń ataqty sportshylary «Dáýlet» sport kesheninde qazaqstandyq jas taekvondoshylarǵa jekpe-jektiń barlyq qyr-syryn kórsetti. Osy jerde sporttyń osy túrin janyna serik etken otandastarymyz da óz ónerlerin ortaǵa salyp, jurtshylyqtyń ystyq yqylasyna bólendi. Osydan keıin Dúnıejúzilik taekvondo federasııasynyń prezıdenti Chjo Chjong Von elimizde sporttyń osy túrin damytýǵa qosqan úlesi úshin Beıjiń Olımpıadasynyń qola júldegeri Arman Shylmanov pen basqa da azamattarǵa arnaıy dıplomdar tabys etti.
Osy kúni Sporttyq jekpe-jek jáne kúsh qoldanylatyn sport túrleri konfederasııasy tóraǵasy Tımýr Qulybaev Dúnıejúzilik taekvondo federasııasynyń prezıdenti Chjo Chjong Vomen kezdesti. Onda qazaqstandyq tarap bıyl Halyqaralyq taekvondo federasııasynyń (WTF) tujyrymy boıynsha Gran-prı serııasynyń álemdik týrnırin, al 2017 jyly «EXPO-2017» halyqaralyq kórmesi kezinde álem chempıonatyn ótkizýge daıyn ekenin aıtty.
Búgin Astanada koreıalyq taekvondoshylar «Han shatyr» oıyn-saýyq kesheninde taǵy da kópshilikke sheberlikterin kórsetedi. Shara saǵat 19.00-de bastalady.
Dastan Kenjalın.
Derekkóz: Qazaqstan taekvondo federasııasynyń baspasóz hatshysy Nazerke Sultanbek.