Múddelestik oraıyndaǵy áńgime

Memleket basshysy Nursultan Nazarbaev Eýropa Qaıta qurý jáne damý bankiniń prezıdenti Sýma Chakrabartımen kez­des­ti, dep habarlady Qazaqstan Prezıdentiniń baspasóz qyzmeti.

Memleket basshysy Nursultan Nazarbaev Eýropa Qaıta qurý jáne damý bankiniń prezıdenti Sýma Chakrabartımen kez­des­ti, dep habarlady Qazaqstan Prezıdentiniń baspasóz qyzmeti.

Davostaǵy Dúnıejúzilik ekonomıkalyq forým aıasynda ótken áńgimelesý barysynda Memleket basshysy men Eýropa Qaıta qurý jáne damý bankiniń (EQDB) prezıdenti banktiń otandyq jáne sheteldik ınvestısııaǵa kómek kórsetýiniń negizgi tetikterin talqylady.

Taraptar ınfraqurylym­dar­dy damytýǵa baǵyttalǵan birqatar perspektıvalyq jobany, atap aıtqanda, Úlken Almaty aınalma avtomobıl joly qurylysyn qarjylandyrýǵa qatysý jaıyn qarastyrdy.

Nursultan Nazarbaev Qazaq­stan men EQDB arasyndaǵy yn­tymaqtastyqtyń deńgeıi joǵary ekenin, sondaı-aq, banktiń túrli salalarǵa ınvestısııa salý ar­qy­ly elimizdiń ekonomıkasyn­ damytýǵa qosqan eleýli úlesin atap ótti. Memleket basshysy respýblıkanyń shaǵyn jáne orta bıznesine qoldaý kórsetý jumysyn jalǵastyrýǵa shaqyrdy.

S.Chakrabartı óz kezeginde yntymaqtastyqtyń tabysty damyp kele jatqany týraly pikirin bildire kele, ótken jyldyń qorytyndysynda Qazaqstan boıynsha jobalar paketi 450-500 mıllıon dollar kóleminde bolǵanyn atap ótti.

EQDB basshysy banktiń elimizge bólinetin qarjy kólemin arttyrýǵa múddeli ekendiginen habardar etti. Buǵan qosa, S.Chakrabartı EQDB-nyń «jasyl ekonomıka» salasyndaǵy belsendi jumysyna nazar aýdardy, ol uıym jobalarynyń 50%-dan astamyn qamtıdy.

BIRLESIP IZDEGENNIŃ UTARY KО́P

Qazaqstan basshysy Nursultan Nazarbaev «Arselor Mıttal» kompanııasynyń basqarma tóraǵasy Lakshmı Mıttalmen kezdesti, dep habarlady Qazaqstan Prezıdentiniń baspasóz qyzmeti.

Kezdesý kezinde kompanııanyń Qazaqstandaǵy qazirgi qyzmetiniń máseleleri talqylandy.

Nursultan Nazarbaev pen Lakshmı Mıttal kompanııanyń elimizdegi metallýrgııa salasyn damytýǵa qatysýy, kombınattyń Temirtaýdaǵy qyzmeti, sondaı-aq, túrli ınvestısııalyq jáne áleýmettik jobalardyń iske asyrylýynyń aspektilerin qarastyrdy.

Kompanııanyń Qazaqstandaǵy kásiporyndarynyń jumysyna, sonyń ishinde óndiris kóleminiń tómendeýi men jumysshylar sanynyń qysqarýyna baılanysty birqatar problemalyq máseleler sóz boldy.

Memleket basshysy bul máselelerdi qarastyryp, olardy sheshý joldaryn Qazaqstan Úkimetimen birlesip izdeý qajettigin atap ótti.

О́ZEKTI MÁSELELER TALQYLANǴAN KEZDESÝ

Qazaqstan Prezıdenti Nursultan Nazarbaev Ulybrı­ta­nııanyń eks-Premer-mınıstri Tonı Blermen kezdesti, dep habarlady Memleket basshysynyń baspasóz qyzmeti.

Kezdesý barysynda halyq­aralyq kún tártibindegi ózekti máseleler talqylandy.

Sonymen qatar, Nur­sul­tan Nazarbaev pen Tonı Bler «Qazaqstan-2050» Stra­tegııa­sy­nyń negizgi aspektilerine toqtalyp, ony tıimdi iske asy­rýdyń basty baǵyttaryn qarastyrdy.

Nursultan Nazarbaev Stra­tegııanyń basty maqsaty Qazaqstannyń álemdegi damyǵan 30 eldiń qataryna kirýi ekenin, onyń kúsh-jiger men resýrstardy barynsha jumyldyrýdy qajet etetinin atap ótti. Bul rette tıisti sarapshylyq-konsýltatıvtik keńestiń qyzmeti eleýli septigin tıgize alady.

-----------------------------------------

Sýretterdi túsirgender

S.BONDARENKO, B.OTARBAEV.