Atamyz qazaq «jel soqpasa, shóptiń basy qımyldamaıdy» dep tekke aıtpaǵan bolar. Jylqy jyly bosaǵany attamaı jatyp, О́skemende shyǵatyn «Moı gorod» degen qalalyq gazette «Sáýletimiz arta túspek nemese О́skemende jańa eskertkishter kóbeıe túse me?» degen shaǵyn maqala jaryq kórdi. Osyǵan oraı Shyǵys Qazaqstan oblystyq mádenıet jáne muraǵat basqarmasynyń bastyǵy Nurbolat Ahmetjanov aqparat quraldary ókilderimen brıfıng ótkizdi.
Atamyz qazaq «jel soqpasa, shóptiń basy qımyldamaıdy» dep tekke aıtpaǵan bolar. Jylqy jyly bosaǵany attamaı jatyp, О́skemende shyǵatyn «Moı gorod» degen qalalyq gazette «Sáýletimiz arta túspek nemese О́skemende jańa eskertkishter kóbeıe túse me?» degen shaǵyn maqala jaryq kórdi. Osyǵan oraı Shyǵys Qazaqstan oblystyq mádenıet jáne muraǵat basqarmasynyń bastyǵy Nurbolat Ahmetjanov aqparat quraldary ókilderimen brıfıng ótkizdi.
– Birqatar BAQ-ta О́skemen qalasynyń 300 jyldyq mereıtoıyna oraı qalada I Petrdiń eskertkishin ornatý jospary týraly aqparat jarııalanǵany belgili. Bul máseleni talqylap, ýshyqtyrýǵa esh negiz joq. Sankt-Peterbýrg pen О́skemen qalasy basshylyǵy arasynda eskertkish ornatý týraly resmı kelisim bolǵan emes, bolmaıdy da. Memlekettik komıssııaǵa I Petrge eskertkish ornatý týraly usynys jasalǵan joq. Bul aqparat qaýeset, el aýzyndaǵy qańqý sóz ǵana, – dep Nurbolat Ahmetjanov kesip aıtty.
Qoǵam ókilderimen kezdesýde oblys basshylyǵy tarapynan qalanyń damýyna súbeli úles qosqan tulǵalardyń esimderin tarıhı jadyda máńgilik saqtaýdyń quptarlyq is ekendigi jaıly aıtylǵan bolatyn. Osylaısha, 2013 jyly oblys ortalyǵynda belgili qoǵam qaıratkeri A.Protozanovtyń, eńbek sińirgen metallýrg ári Halyq qaharmany Ahat Kúlenovtiń keýde músinderi jáne ataqty jazýshy, dramatýrg Oralhan Bókeıdiń eskertkishteri ornatyldy.
Biz О́skemen qalasynyń ákimi Temirbek Qasymjanovqa jolyǵyp, maqala avtory A.Kýprııanovanyń Petr Birinshiniń eskertkishin ornatýǵa qala basshylyǵynyń kelisim berdi dep jazǵany ras pa dep suraǵanymyzda, bul sózder shyndyqqa janaspaıdy, ondaı áńgime bolǵan joq, dep jaýap berdi. Endeshe, oıǵa kelgenin jazyp, tynysh jatqan halyqty dúrliktiretindeı gazetke ne kórindi eken?!
Ońdasyn ELÝBAI,
«Egemen Qazaqstan».
О́SKEMEN.