Qurmetti otandastar!
Elbasymyzdyń basshylyǵymen Qazaqstan halqy ekonomıkasy qarqyndy damyǵan turaqty qoǵam men demokratııalyq memleket qurdy.
Táýelsizdik jyldarynda tarıhı maqsat oryndaldy – memlekettilik qalyptastyryldy. Bul – barsha qazaqstandyqtardyń birligi men yntymaǵynyń, qajyr-qaıraty men tynymsyz eńbeginiń, ortaq maqsaty men úkilegen úmitiniń jemisi.
Qurmetti otandastar!
Elbasymyzdyń basshylyǵymen Qazaqstan halqy ekonomıkasy qarqyndy damyǵan turaqty qoǵam men demokratııalyq memleket qurdy.
Táýelsizdik jyldarynda tarıhı maqsat oryndaldy – memlekettilik qalyptastyryldy. Bul – barsha qazaqstandyqtardyń birligi men yntymaǵynyń, qajyr-qaıraty men tynymsyz eńbeginiń, ortaq maqsaty men úkilegen úmitiniń jemisi.
Elbasynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýy elimizdiń jańa kezeńdegi damýynyń bastaýy bolyp, memleketimizdiń uzaqmerzimdi baǵytyn aıqyndap berdi.
2014 jyldyń 17 qańtaryndaǵy Joldaýynda Memleket basshysy álemdegi eń damyǵan otyz eldiń qataryna qosylýǵa qatysty naqty tujyrymdamalyq baǵdardy usyndy.
Joldaýda Elbasy Strategııany júzege asyrýdyń tórt negizgi ustanymyn belgilep berdi: qabyldanatyn barlyq sheshimderdiń pragmatızmi men evolıýsııalylyǵy; ózara tıimdi ashyqtyq, qazaqstandyqtardyń ál-aýqatyn arttyrý men búkilhalyqtyq qoldaý qaǵıdaty.
Tabysqa jetýdiń mańyzdy faktory – alǵa qoıǵan maqsattardy kezeń-kezeńimen júzege asyrý jáne elimizdegi azamattardyń ómir sapasynyń jyl ótken saıyn jaqsara túsýine yqylasty bolý.
Biz, Jalpyulttyq demokratııalyq kúshter koalısııasynyń músheleri, jańa Joldaýda kórsetilgen barlyq maqsat-mindetter ómirsheń jáne júzege asyrylatyn, al jınalǵan mol tájirıbe men Qazaqstannyń qazirgi jetistikteri bolashaqqa qarqyndy umtylystyń senimdi negizi bolyp tabylady dep sanaımyz.
Strategııany júzege asyrýdaǵy ótken jylǵy atqarylǵan jumys Elbasy belgilegen jolmen Qazaqstan qaryshtap qadam basqanyn kórsetti.
Tuńǵysh ret elimizdiń tarıhynda memlekettik basqarý júıesiniń aýqymdy saıası reformasy júrgizildi. Jergilikti bıliktiń saılanýy, memlekettik organdar qyzmetiniń ashyqtyq pen eseptiligin nyǵaıtý, óńirlik mańyzdy máselelerdiń sheshilýinde turǵyndardyń múmkindigin keńeıtý, qoǵamdyq baqylaý tetikterin kúsheıtý qoǵam men bılik qarym-qatynasynyń tıimdiligin arttyrdy.
Yqsham, kásibı memlekettik apparatty jasaqtaý úshin merıtokratııa jáne básekelestik qaǵıdattaryna negizdelgen ákimshilik reformanyń mańyzdy kezeńi bastaldy.
Údemeli ındýstrııalyq-ınnovasııalyq damytý baǵdarlamasyn júzege asyrýdyń naqty nátıjesi ekonomıkanyń múlde jańa salalaryn – avtomobıl, avıaqurylys, teplovoz, jolaýshy jáne júk vagondary óndirisiniń ashylýyna sebepker boldy.
Memleket basshysy táýelsiz damý jyldaryndaǵy basty jetistigimiz elimizdiń kemel keleshegin qalyptastyrǵan barsha qazaqstandyqtardy biriktirgen qundylyqtar bolyp tabylatynyn atap ótti.
Biz Qazaqstan halqyn Elbasy ataǵan basty qundylyqtardyń tóńiregine toptasýǵa shaqyramyz. Olar:
• Qazaqstannyń táýelsizdigi jáne memleketimizdiń órkendeýiniń nyshany Astana.
• Qoǵamymyzdaǵy ulttyq birlik, beıbitshilik pen kelisim.
• Zaıyrly qoǵam jáne joǵary rýhanııat.
• Indýstrııalandyrý men ınnovasııalarǵa negizdelgen ekonomıkalyq ósim.
• Joǵary áleýmettik standarttarǵa saı Jalpyǵa Ortaq Eńbek Qoǵamy.
• Tarıhtyń, mádenıet pen tildiń ortaqtyǵy.
• Elimizdiń ulttyq qaýipsizdigi jáne búkilálemdik, óńirlik máselelerdi sheshýge jahandyq turǵydan qatysýy.
Urpaqtar sabaqtastyǵyn, ózara qoldaý dástúrin qamtamasyz etý arqyly osy qundylyqtardy eseleý – bizdiń memlekettiligimizdi damytý men táýelsizdigimizdi nyǵaıtýdyń kepili.
Bul qundylyqtardyń barlyǵy halyqtyń yntymaǵyn nyǵaıtyp, «Máńgilik El» ulttyq ıdeıasyn qalyptastyrýǵa ákeldi.
Elbasynyń syndarly saıasatynyń arqasynda bizdiń jas memleketimizdiń álemdegi eń damyǵan elder qatarynan tabylýyna, óz taǵdyryn tańdaýyna, álemdik órkenıette halqymyzdyń biregeı mádenı jáne tarıhı murasynyń belgilenýine tarıhı múmkindik týǵyzdy.
Qazaqstannyń jetistigi – árbir Qazaqstan otbasynyń, árbir azamatymyzdyń jeńisi.
Búginde Jalpyulttyq demokratııalyq kúshter koalısııasy bılik pen azamattyq qoǵam arasyna dáneker bola otyryp, keń kólemdegi pikir almasý alańyna aınaldy.
«Qazaqstan-2050» Strategııasyn júzege asyrý aıasyndaǵy bizdiń basty maqsatymyz – Qazaqstan jolynyń maqsat-murattaryna búkilhalyqtyq qoldaýdy qamtamasyz etý.
Biz, Qazaqstannyń Jalpyulttyq demokratııalyq kúshter koalısııasynyń músheleri, Elbasy bastamasyn barynsha qoldaı otyryp, Qazaqstan memlekettiligin, táýelsizdik pen egemendikti nyǵaıtýǵa yntalymyz.
Joldaý bizge, Qazaqstan azamattaryna baǵyttalǵan. Sondyqtan barsha qazaqstandyqtardy kóregendilik pen birligi baıandy halyq bolyp qalyptasqandyǵymyzdy tanytýǵa jáne bizdiń ortaq úıimiz – Qazaqstan-2050-di birge qurýǵa shaqyramyz!