Qaraǵandy memlekettik tehnıkalyq ýnıversıtetiniń májilis zalynda oqý ornynyń rektory, UǴA akademıgi Arystan Ǵazalıevtiń tóraǵalyq etýimen ǵylymı keńestiń Prezıdent N.Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýyn talqylaýǵa arnalǵan keńeıtilgen otyrysy ótti. Alqaly jıynǵa oqý ornynyń professor-oqytýshylar quramy, qurylymdyq bólimsheleriniń basshylary, qoǵamdyq jáne jastar uıymdarynyń ókilderi qatysty.
Qaraǵandy memlekettik tehnıkalyq ýnıversıtetiniń májilis zalynda oqý ornynyń rektory, UǴA akademıgi Arystan Ǵazalıevtiń tóraǵalyq etýimen ǵylymı keńestiń Prezıdent N.Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýyn talqylaýǵa arnalǵan keńeıtilgen otyrysy ótti. Alqaly jıynǵa oqý ornynyń professor-oqytýshylar quramy, qurylymdyq bólimsheleriniń basshylary, qoǵamdyq jáne jastar uıymdarynyń ókilderi qatysty.
Elimizdiń saıası ómirine serpilis ákelip, mıllıondaǵan qazaqstandyqtardyń júregine senim men úmit uıalatqan Elbasy Joldaýyn halyqtyń jyl saıyn asyǵa kútetini belgili. Bıyl on segizinshi ret jasampazdyqtyń jarshysy retinde Qazaqstan halqyna jol tartqan Joldaý bul joly da el kútken eńseli nysanalardy belgileýimen erekshelendi. Ǵalymdardyń bul bas qosýynyń maqsaty – Elbasy Joldaýyn naqtylap, onda qamtylǵan mindetterdiń joǵary oqý orny deńgeıinde sheshilý joldaryn talqylaý. Jınalǵandar aldynda baıandama jasaǵan oqý ornynyń basshysy Arystan Ǵazalıev:
– Otanymyzdyń jetistikteri – árbir azamattyń ulttyq maqtanyshy. Kúshti, qýatty memleketter ǵana uzaqmerzimdik josparlaýmen, turaqty ekonomıkalyq ósýmen aınalysady. «Qazaqstan-2050» Strategııasy – barlyq salany qamtıtyn jáne úzdiksiz ósýdi qamtamasyz etetin jańǵyrý joly. Bul rette ekonomıkanyń joǵary tehnologııalyq salalary jáne ǵylymdy qajetsinetin ekonomıkalyq bazıs ǵylymı-zertteýlerdiń ozyq damýymen sabaqtasa otyryp ulttyq bilim berý júıesin odan ári nyǵaıtýǵa negizdeledi, – dedi.
Sondaı-aq, rektor óz baıandamasynda Elbasy Joldaýyna ózek bolǵan «Qazaqstan-2050» Strategııasyn oryndaýdyń besjyldyq kezeńdi qamtıtyn jeti baǵyty men Strategııa basymdyqtaryn júzege asyrýdyń negizgi 10 tetigine aıryqsha toqtalyp, bul mindetterdi oryndaýdaǵy ǵylym men bilim salasyndaǵy erekshelikterdi áńgime arqaýy etti.
Rektor baıandamasynan keıin jaryssózge shyqqan barlyq sheshender Elbasy júktegen mindetterdi júzege asyrý baǵytyndaǵy óz oı-pikirlerin ortaǵa salyp, Joldaýdyń basym baǵyttarynyń negizinde ázirlengen ýnıversıtetti damytýdyń Keshendi baǵdarlamasynyń JOO-nyń bilim berý qyzmetteriniń sapasyn jáne joǵary tehnıkalyq bilimniń básekege qabilettiligin arttyrý boıynsha damýdyń strategııalyq jospary bolyp tabylatynyna jan-jaqty toqtaldy.
Ǵylymı keńestiń keńeıtilgen otyrysyn qorytyndylaǵan QarMTÝ rektory Arystan Ǵazalıev:
– Baǵdarlamanyń negizgi maqsaty «bilim berý – ǵylym – óndiris» júıesinde kásibı biliktilikterin damytý jáne jańa qazaqstandyq patrıotızmdi qalyptastyrý negizinde ekonomıkanyń joǵary tehnologııalyq jáne ǵylymdy qajetsinetin salalary úshin básekege qabiletti mamandar daıarlaý bolyp tabylady. Elbasy Joldaýyn júzege asyrýda Tuńǵysh Prezıdenttiń bilim ordasy – Qaraǵandy memlekettik tehnıkalyq ýnıversıteti kósh basynan kórinýi tıis. Oǵan bizdiń múmkindigimiz de bar, kúsh-jigerimiz de jetkilikti, – dep, rektoratqa, qurylymdyq bólimsheler basshylaryna naqty tapsyrmalar júktedi.
Sábıt BEKSEIIT.
QARAǴANDY.