Elordalyq «Tulpar» saýda úıindegi órt oqıǵasy boıynsha qylmystyq is qozǵaldy. Bul týraly qalalyq polısııa departamenti málim etti, dep habarlaıdy Egemen.kz.
«Búgin saǵat 7.36-da «102» arnasyna «Tulpar» saýda úıinde órt shyǵyp jatqany týraly qońyraý tústi. Jaqyn mańdaǵy Taraz jáne Ýálıhanov, Seıfýllın kóshesinen Bógenbaı batyr dańǵylyna deıingi kósheler qorshaldy. Elorda turǵyndary men qonaqtaryn atalǵan ýchaskege barýdan bas tartýlaryńyzdy suraımyz», delingen habarlamada.
О́rt ornyna arnaıy tehnıka jumyldyryldy. О́rttiń sebebi anyqtalýda.
Keltirilgen zalaldyń mólsherin anyqtaý úshin quramynda ákimdik ókilderi men saýda úıiniń basshylyǵy bar jedel shtab quryldy.
«Qazirgi ýaqytta zardap shekkender týraly polısııaǵa habarlama túsken joq. Qylmystyq is qozǵalyp, tergeý júrgizilýde», dep qorytyndylady PD.
Eske sala ketsek, tańerteń elordadaǵy iri saýda úıinen órt shyqty. О́rtti sóndirýge TJD jeke quramynan 19 tehnıka men 71 adam jumyldyryldy.