Elimizde alaıaqtyq qylmystarynyń kóbeıýine qatysty azamattar tarapynan narazylyq kóbeıýde. Bul týraly Memleket basshysy Qasym-Jomart Toqaev Qazaqstan halqyna arnaǵan Joldaýynda málim etti, dep habarlaıdy Egemen.kz.
«Qylmyspen kúrestiń tájirıbelik máselelerin nazardan tys qaldyrmaý kerek. Alaıaqtyq faktileriniń kóbeıýine qatysty azamattar ádil narazylyq bildirýde», dedi Memleket basshysy.
Prezıdenttiń aıtýynsha, Bas prokýratýra alaıaqtyq pen qarjy pıramıdalaryna qarsy is-qımyl boıynsha sharalar keshenin ázirleý kerek.
Sonymen qatar Qasym-Jomart Toqaev balalarǵa qatysty zorlyq-zombylyqqa tosqaýyl qoıý máselesin erekshe baqylaýǵa alý qajettiligin erekshe atap ótti.
«Bolashaq urpaqtyń amandyǵyna esirtkiniń taralý jaǵdaıy úlken qater keltirip otyr, onyń ishinde sıntıetıkalyq esirtkiniń qaýpi asa joǵary. Quqyq qorǵaý organdaryna esirtki zattarynyń halyq arasynda taralý jolyna qatań tosqaýyl qoıý tapsyrylady», dedi Prezıdent QR Parlamenti palatalarynyń birlesken otyrysynda.