«Báıterek» ulttyq basqarýshy holdınginiń enshiles mekemesi – «Qazaqstan ınvestısııalyq qory» AQ memleketke 5,9 mlrd. teńgeni qaıtardy. Bul qarjy – «Paragon Development» JShS men «Astana-Kontrakt» AQ-qa Astana jáne Almaty qalalarynda kóliktik-logıstıkalyq ortalyqtar quryp, jasaqtaýǵa Qazaqstannyń Damý banki tarapynan berilgen aqshanyń bir bóligi.
«Báıterek» ulttyq basqarýshy holdınginiń enshiles mekemesi – «Qazaqstan ınvestısııalyq qory» AQ memleketke 5,9 mlrd. teńgeni qaıtardy. Bul qarjy – «Paragon Development» JShS men «Astana-Kontrakt» AQ-qa Astana jáne Almaty qalalarynda kóliktik-logıstıkalyq ortalyqtar quryp, jasaqtaýǵa Qazaqstannyń Damý banki tarapynan berilgen aqshanyń bir bóligi.
2008 jyly Qazaqstannyń Damý banki Almaty jáne Astana qalalarynda kóliktik-logıstıkalyq ortalyqtar qurýǵa baǵyttalǵan ınvestısııalyq jobany qarjylandyrǵan bolatyn. Bul joba boıynsha nesıe alǵan «Paragon Development» JShS, «Astana-Kontrakt» JShS, «Astana-Kontrakt» AQ jáne «PD Logistics» JShS 2008-2013 jyldar aralyǵynda tolyqqandy kásipkerlikpen aınalysyp, tabys tapqan. Alaıda, nesıeni qaıtarýǵa baılanysty mindettemelerin oryndamaǵan.
Osyǵan oraı, ótken jyldyń tamyz aıynda «Báıterek» holdıngi túıindi máseleleri bar 212 mlrd. teńgelik aktıvterdi Qazaqstan Damý bankinen alyp, ony Qazaqstan ınvestısııalyq qorynyń yqtııaryna berdi. Onyń ishinde «Paragon Development» JShS men «Astana-Kontrakt» AQ-tan 12,5 mlrd. teńge bolatyn boryshty talap etý quqyǵy da bar edi.
Qordyń sotqa joldanǵan talap-shaǵymy qanaǵattandyryldy. Sóıtip, Astana-kontrakt kompanııalar tobynyń memleket aldyndaǵy boryshyn óteý maqsatymen onyń quzyryndaǵy Almaty kóliktik-logıstıkalyq ortalyǵy Qazaqstan ınvestısııalyq qorynyń menshigine berildi. Osylaısha, memleketke 5,9 mlrd. teńge qaıtaryldy. Qazaqstan Damý bankiniń boryshkerleriniń qaryzyn talap etý quqy Qazaqstan ınvestısııalyq qoryna berilgenin aıttyq. Endigi demegimiz, atqarylǵan jumys – qor tarapynan memleket menshigin qaıtarý baǵytynda jasalǵan jumystardyń alǵashqy nátıjesi.
Menshiktiń jańa ıesi kóliktik-logıstıkalyq ortalyqtyń qalypty jumysyn qamtamasyz etip, jumys oryndaryn tolyq saqtap qalýdy maqsat etip otyr. Sondaı-aq, Investısııalyq qor boryshkerdiń qalǵan 6 qaryzyn qaıtaryp alýǵa arnalǵan sharalardy jalǵastyra bermek.
Nurbaı ELMURATOV,
«Egemen Qazaqstan».