Elimizde qurylys kúnnen-kúnge qarqyndy damyp kele jatqandyqtan, kirpishke degen qajettilik te týyndady. Budan 4 jyl buryn, ıaǵnı 2009 jyly 26 jeltoqsanda Ekibastuzda kirpish zaýyty paıdalanýǵa berildi. Bul kásiporynnyń ózgesheligi de sol, kómir qaldyǵyn iske jaratyp, otandyq qurylys materıalyn óndirýdi qolǵa aldy. Sodan beri zaýytta jylyna 25 mıllıon kirpish shyǵarylady. Jylyna osynshama kirpish shyǵarý úshin óndiriske keminde 250 myń tonna kómir qaldyqtary qoldanylady eken. Zaýyttyń áleýeti jylyna 50 mıllıon kirpish shyǵarýǵa deıin jetedi. Bastapqyda qurylys materıaldarymen oblys aýmaǵyn qamtamasyz etý kózdelgen bolatyn. Alaıda, Ekibastuzdan shyǵarylatyn kirpishke elimizdiń ózge de óńirlerinen suranys artýy ekinshi zaýytty iske qosý qajettiligin týǵyzdy.
Elimizde qurylys kúnnen-kúnge qarqyndy damyp kele jatqandyqtan, kirpishke degen qajettilik te týyndady. Budan 4 jyl buryn, ıaǵnı 2009 jyly 26 jeltoqsanda Ekibastuzda kirpish zaýyty paıdalanýǵa berildi. Bul kásiporynnyń ózgesheligi de sol, kómir qaldyǵyn iske jaratyp, otandyq qurylys materıalyn óndirýdi qolǵa aldy. Sodan beri zaýytta jylyna 25 mıllıon kirpish shyǵarylady. Jylyna osynshama kirpish shyǵarý úshin óndiriske keminde 250 myń tonna kómir qaldyqtary qoldanylady eken. Zaýyttyń áleýeti jylyna 50 mıllıon kirpish shyǵarýǵa deıin jetedi. Bastapqyda qurylys materıaldarymen oblys aýmaǵyn qamtamasyz etý kózdelgen bolatyn. Alaıda, Ekibastuzdan shyǵarylatyn kirpishke elimizdiń ózge de óńirlerinen suranys artýy ekinshi zaýytty iske qosý qajettiligin týǵyzdy.
Ekinshi kezektegi zaýyttyń qazyǵy ótken jylǵy shilde aıynda qaǵyldy. Nysanǵa tapsyrys berýshi ári merdiger – «Vershına» JShS.
Qurylys barysyn óz kózimizben kórýdi maqsat tutqan biz taıaýda zaýytta bolyp qaıttyq. Zaýyttyń qurylysy aıaqtalýǵa jaqyn eken. Tóbesiniń shatyry jabylyp, jylý trassasy da tartylǵan. Kásiporyn dırektory Salıh Kárimulynyń aıtýynsha, munda qural-jabdyqtardy ornatý úshin tuǵyr quıylyp jatyr. Sement Balqashtan, metall Qaraǵandydan, Pavlodardan tasymaldanady. Qajetti qural-jabdyqtar Qytaıdan jetkizilýi tıis.
Dırektordyń aıtýyna qaraǵanda, qurylysta100-ge jýyq adam eńbek etedi. Jumyskerlerdiń jalaqysy 60-120 myń teńge aralyǵynda. Jumysqa kúnine tórt ret arnaıy avtobýs qatynaıdy. Sońǵy avtobýs saǵat 21.00-de júredi.
Jaıylǵan Ramazanovtyń zaýytta sheber bolyp jumys istep júrgenine tórt jyldan asypty. Bilikti mamandy jastarmen tájirıbesin bólisý úshin qurylysqa aýystyrǵan kórinedi.
Eritindini kúrekpen aralastyryp turǵan jas jigitter Maqsat Bekmuratov, Rınat Sádýaqasov, Sáken Beksaýytovtyń júzderinen sharshap-shaldyǵý baıqalmaıdy. «Jas kelse – iske» degendeı, eńbek kórigin qyzdyrýda.
Jalpy, zaýyt keler jyldyń shildesinde iske qosylady, al 2015 jyly tolyq jobalyq qýatyna engende jylyna 30 mln. dana kirpish óndirmek. Sonymen birge, jańa nysannyń qurylysyna 80 adam qamtylyp, keıin munda 100 adam turaqty jumys tabady.
Darııa ERTAIQYZY.
EKIBASTUZ.