Táýelsizdigimiz alǵash jarııalanǵannan bastap elimizdegi ishki saıası turaqtylyq pen etnosaralyq tatýlyq qaǵıdalary bizdiń memlekettik saıasattyń basty ustanymy bolyp keledi. Osynyń arqasynda egemen elimiz keıingi 30 jyldaǵy jahandyq damýda jotaly jetistikter men bederli bıikterdi turaqty baǵyndyryp keledi.
Degenmen, jetistikke jetý bar da, ony sol deńgeıde ustap turý bar. Bul tek bılik pen halyq arasynda saýatty da syndarly baılanys ornata alǵan qoǵamda ǵana múmkin bolady. Sondyqtan da memleket áleýmetpen aradaǵy dıalogty saqtap qana qoımaı, ózara senim deńgeıin túsirmeı, ony ári qaraı nyǵaıta jetildirý úshin únemi qajetti sharalardy qabyldap keledi. Onyń jarqyn bir mysaly – qurylǵannan beri is-áreketimen senim údesinen shyǵa bilgen Prezıdent janyndaǵy Ulttyq qoǵamdyq senim keńesi. Búgingi kúni bul tek konsýltatıvti Keńes resýrsy ǵana emes, mol zııatkerlik múmkindigi bar tıimdi ári áleýetti qurylym. Memleket basshysynyń aldyńǵy Joldaýlarynda aıtylǵan reformalardy nátıjeli de tolyqqandy iske asýyna tyń serpin beretin kúshke aınaldy.
Prezıdent búgingi halyqqa arnaǵan úshinshi Joldaýynda da elimizde júrgizilip jatqan saıası jańǵyrý reformalaryn júıeli jalǵastyrýdyń mańyzdylyǵyna erekshe mán berdi. Bul rette, el basshysynyń Ulttyq keńes minberinde kótergen bastamalary negizinde sátti iske asqan saıası reformalar paketin atap ótýge bolady. Sonyń nátıjesinde, qoǵamda qordalanǵan kóptegen mańyzdy qoǵamdyq-saıası jáne áleýmettik-quqyqtyq máseleler óz sheshimin tapty.
Mysaly, aýdandyq deńgeıdegi qalalar men aýyl ákimderin saılaý reformasy sonyń aıqyn da jarqyn dáleli bola alady. Elimizdiń 14 óńirinde qurylǵan 1 847 saılaý ýchaskelerinde ótken atalǵan saılaýda 2 297 úmitkerdiń ishinen el turǵyndary 730 jergilikti ákimdi saılap aldy. Sonyń ishinde, olardyń 627-si «Aýyl», «Aq jol», HKP, ADAL syndy saıası partııalar usynǵan úmitkerlerden tańdaldy. Munyń ózi Memleket basshysynyń bastamasymen qolǵa alynǵan reformalardyń saıası partııalar men azamattyq qoǵam alańyndaǵy belsendilikti odan ári jandandyrýǵa tyń serpin bergenin kórsetedi. Sondyqtan da Prezıdent bul baǵytta qolǵa alynǵan sharalardyń durystyǵyna kezekti ret toqtalyp, 2024 jyly turǵyndarǵa aýdan ákimderin saılaýǵa múmkindik beriletinin atap ótti.
Munymen qatar, Memleket basshysy, jergilikti ózin ózi basqarýdy jetildirý isinde aýyldyq jerlerdegi azamattyq bastamalarǵa qoldaý kórsetýdiń mańyzdylyǵyna nazar aýdaryp, granttyq qarjylandyrý júıesin beıimdeýdiń tıimdi tetigin ázirleýdi tapsyrdy. Sóz joq, atalǵan sharalardyń barlyǵy da saıası saýatty, demokratııalyq túsinigi pisip-jetilgen, áleýmettik belsendiligi joǵary azamattyq qoǵam qurý jolyndaǵy qarymdy qadam dep bilemin.
Aıda Balaeva,
Aqparat jáne qoǵamdyq
damý mınıstri