Memleket basshysy Qasym-Jomart Toqaev kótergen máseleler men bergen tapsyrmalardyń ishindegi eń ózektisi – aýyl sharýashylyǵyn sýbsıdııalaý máselesi.
«Bizdiń agrarlyq saıasatymyzda sabaqtastyq bolmaı otyr. Mınıstr aýyssa, salanyń saıasaty da ózgeredi. Mundaı jaǵdaıda sharýalarǵa adal jumysty josparlaý qıynǵa túsedi. Biryńǵaı negizgi baǵyt bolýy qajet. Soǵan sáıkes sýbsıdııalaý tásilderin qaıta qarap, turaqtandyrý kerek», dedi Prezıdent.
О́kinishke qaraı, bul salada túıtkilder kóp. Bir jaǵynan sybaılas jemqorlyqtyń saldarynan memleketten bólingen qarajat qarapaıym dıqandarǵa, aýyl turǵyndaryna jetpeı jatady. Máselen, agroónerkásip keshenine qatysty qozǵalǵan qylmystyq isterdiń jartysynan astamy sýbsıdııany talan-tarajǵa salýǵa baılanysty bolyp otyr eken. Memleket basshysy aıtqandaı, buǵan jol berýge bolmaıdy.
Bul máseleni burynnan kóterip kele jatyrmyz. Bıylǵy qýańshylyqtan keıin, sý tapshylyǵy týyndaǵan soń mal sharýashylyǵymen, dıqanshylyqpen aınalysatyn kásipkerler úlken problemalarǵa kezdesip otyr. Sondyqtan olarǵa sýbsıdııa berýge erekshe nazar aýdarýymyz kerek. О́ıtkeni aýyl sharýashylyǵyna qajetti tehnıkanyń kóbi eskirgen. Ony jańartýdy qarapaıym sharýalardyń qaltasy kótere bermeıtini belgili.
Joldaýda basqa da ózekti, mańyzdy tapsyrmalar berildi. Mysaly, qyzmetkerlerdiń jalaqysyn kóterý, kásipkerlerge jeńildik berý sekildi qoǵam úshin mańyzdy mindetter bar.
Azat PERÝAShEV,
Májilis depýtaty