Aldymyzda jańa mindetter kútip tur

Bul óz kezeginde jańa saıası maýsymdy jańa mindetter kútip turǵandyǵyn, olardyń júzege asyrylýyna bıliktiń barlyq tarmaǵy jaýapty ekendigin ańǵarta­dy jáne halyqtyń ortalyq memle­ket­tik organdardyń jumysyn baǵa­laýy kóp jaǵdaıda Joldaýda qoıyl­ǵan tapsyrmalardyń tıisti deńgeıde oryndalýymen tikeleı baılanysty.

Bıylǵy Joldaýdyń basty ózegi byl­tyr­ǵy jyldan órshýin toqtat­paı turǵan pan­demııadan keıingi ekono­mıkalyq da­mý, ha­lyqtyń ál-aýqatyn ári qaraı da jaq­sar­týǵa baılanysty, jańa jaǵdaıdaǵy Qa­zaq­stannyń is-qı­myl­daryna jan-jaq­ty kóńil bólinip, damýdyń bir-birimen tyǵyz baı­lanys­taǵy basym baǵyttary usynyldy.

Memleket basshysy elimizdiń strate­gııalyq maqsaty retinde Ortalyq Azııa aımaǵyndaǵy kóshbasshy rólin nyǵaı­tý, álemdik ekonomıkada óz ornyn aıqyn bekitý dep atap ótýi osy baǵyt­taǵy táýelsizdiktiń 30 jylynda jetken jetistikterdi odan ári jetildirý, qazirgi jahandyq saıasatta qalyptasqan ahýalǵa ýaqtyly, jedel jáne kásibı túrde toıtarys berý qajet ekendigin kórsetedi.

«Aýǵanstandaǵy jaǵdaı, jahandyq shıelenistiń artýy qorǵanys-óner­kásiptik keshen men áskerı doktrınany qaıta júkteý mindetin qoıdy. Qorǵanys qabiletin nyǵaıtý, tıimdilikti arttyrý, qaterlerge qarsy áreket etý de memlekettik mańyzy bar basymdyqtarǵa aınalýǵa tıis», dedi Q.Toqaev Qazaqstan halqyna jyl saıynǵy Joldaýynda. Osyǵan deıingi Áskerı doktrına 2017 jyly bekitilgen bolatyn.

Aýǵanstandaǵy qazirgi ahýal jalpy álem­niń, sonyń ishinde qazaqstandyq qoǵam­nyń da alańdaýshylyǵyn týdyrýda. Bul elde beı­bitshilik pen turaqtylyqtyń ornaýy­­na Ortalyq Azııa aımaǵy elderi múddeli. Aıta keterligi, bolyp jatqan oqıǵa­lar Qazaq­stanǵa tikeleı qaýip tóndir­meıdi, biraq, árıne, olar belgili bir táýekel­derdi týdyrady.

Bul óz kezeginde elimizdegi jaǵdaıdyń kúrdeli sıpatta órbýine daıyn bolýyn talap etedi, Qazaqstannyń jáne aımaq­tyń qaýipsizdigine syrtqy syn-qater­lerdi modeldeýdiń ózektiligin baı­qatady. Qorǵanys salasynda olqy­lyq­tardyń bar ekendigin taıaý aradaǵy Jambyl oblysynda bolǵan oqıǵa da aıqyn kórsetti. 

Ásel NAZARBETOVA,

Qazaqstan Prezıdenti janyndaǵy QSZI bólim basshysy