Memleket basshysy Qasym-Jomart Toqaev Qazaqstan halqyna arnaǵan úshinshi Joldaýynda ekonomıka men memlekettik sektordy sıfrlandyrý prosesin qaıta júkteýdi mindettedi.
Densaýlyq saqtaý men bilim salalaryna erekshe kóńil bólindi. Qasym-Jomart Toqaev naqty bastamalardy atap ótti. Olardy iske asyrý halyqtyń ál-aýqatyn jaqsartýǵa múmkindik beredi.Eń tómengi jalaqyny kóterý turmysy tómen toptyń ál-aýqatyna ońtaıly áser etedi. Tórt jyl ishinde azamattyq qyzmetshilerdiń eńbekaqysyn 20 paıyzǵa arttyrý – 600 myń qazaqstandyqtyń turmys deńgeıi kóteriledi degen sóz. Zeınetaqy jınaǵynyń bir bóligin «Otbasy Bank» shotyna aýdarý turǵyn úı satyp alý isin ońtaılandyrady. Prezıdent Qasym-Jomart Toqaev saıası reformalardyń tórtinshi paketin usyndy. Buryn tek partııalyq tizimderge qatysty qoldanylatyn depýtattyq mandattardy bólgende, áıelder men jastar úshin 30 paıyzdyq kvotany zańnamalyq turǵydan bekitý mindeti qoıyldy. Memleket basshysy, sondaı-aq, kvotaǵa múmkindigi shekteýli adamdardy engizýdi usyndy. Balalarǵa qatysty jynystyq qylmystarǵa qarsy is-qımyldy kúsheıtýge nazar aýdarýdy tapsyrdy.
Lázzat QOJAHMETOVA, Ulttyq qoǵamdyq senim keńesiniń múshesi