«Jana dáýir kásipkerleri» klýby oblystyq kásipkerler palatasynda óziniń birinshi otyrysyn ótkizdi. Qazirgi tańda bul klýbqa 25 kásipker kiredi. Olardyń arasynda jumys istep jatqandarmen qatar óz isin jańadan bastaǵandar da bar. Alǵashqy otyrysqa jınalǵandar klýbtyń hatshysy men onyń orynbasaryn saılap aldy. Sondaı-aq, 2014 jylǵy jumys josparyn qarady.
«Jana dáýir kásipkerleri» klýby oblystyq kásipkerler palatasynda óziniń birinshi otyrysyn ótkizdi. Qazirgi tańda bul klýbqa 25 kásipker kiredi. Olardyń arasynda jumys istep jatqandarmen qatar óz isin jańadan bastaǵandar da bar. Alǵashqy otyrysqa jınalǵandar klýbtyń hatshysy men onyń orynbasaryn saılap aldy. Sondaı-aq, 2014 jylǵy jumys josparyn qarady.
– Bizdiń mindetimiz kásipkerlerge qajetti kómek kórsetý, olardyń quqyqtaryn qorǵaý bolyp tabylady. Klýb músheleri ózderiniń jumys barysynda kezdesken problemalaryn ortaǵa saldy. Sondyqtan aldaǵy otyrysymyzǵa olarǵa óziniń iskerlik keńesterimen kómektesetin kásipkerlik salasyndaǵy tájirıbeli keńesshilerdi shaqyrýdy uıǵaryp otyrmyz, – deıdi oblystyq kásipkerlik palatasynyń áleýmettik sarapshysy Ásem Qasym.
Klýb músheleri óz bıznesin keńeıtý úshin qandaı qarjylandyrý jáne memlekettik qoldaý túrleri bar ekenin bile alady. Munda olarǵa bıznes-jospar jasaýǵa, salyqtyq jáne kedendik zańdylyqtardy saqtaýǵa, óz isin durys júrgizýge kómek kórsetiledi.
Satybaldy SÁÝIRBAI,
«Egemen Qazaqstan».
Aqtóbe oblysy.