Shymkent qalasy qorǵanys isteri jónindegi departamentinde qyzmet atqaratyn 20-ǵa jýyq ofıser attestattaýdan ótýde, dep habarlaıdy Egemen.kz.
Attestattaý barysy departament bastyǵynyń birinshi orynbasary – shtab bastyǵy podpolkovnık Taýyrjan Smaǵulovtyń tóraǵalyǵymen ofıserler quramynyń moraldyq jáne psıhologııalyq qasıetterin zerdeleý, sondaı-aq áskerı qyzmetti reglamentteıtin zańnama erejelerin, jalpy áskerı jarǵylaryn jáne laýazymdyq mindetterin, sybaılas jemqorlyqqa qarsy is-qımyl týraly zańnamany bilýimen qatar, kásibı jáne dene daıyndyǵynan synaqtar tapsyrýy boıynsha tıisti deńgeıde uıymdastyryldy.
«Attestattaýdan ótýdiń negizgi mindetteri árbir ofıserdiń kásibı, iskerlik jáne jeke qasıetterin, áleýetti múmkindikterin, onyń atqaryp otyrǵan laýazymǵa sáıkes kelýin anyqtaý, sondaı-aq jetildirý men nyǵaıtýdy qajet etetin ofıserler korpýsynyń osal tustaryn aıqyndaýdan turady. Sonymen birge, attestattaý jańa anaǵurlym kúrdeli kásibı tapsyrmalarǵa ázir áskerı qyzmetshilerdiń ári qaraıǵy mansaptyq ósýine jańa perspektıvalar ashady», dedi Smaǵulov.
Eske salaıyq, elimizdiń Qarýly Kúshterindegi attestattaý mindetti túrde úsh jylda bir ret uıymdastyrylady. Oǵan barlyq sanattaǵy ofıserler quramy qatystyrylady.