Shyǵys Qazaqstan oblystyq Mádenıet basqarmasynyń basshysy laýazymyna Nurbolat Ahmetjanov taǵaıyndaldy, dep habarlaıdy Egemen.kz.
Nurbolat Qadyruly 1963 jyly Shar aýdany Aqjal aýylynda dúnıege kelgen. Bilimi joǵary, «Konserttik oryndaýshy», «Oqytýshy» jáne «Quqyqtaný bakalavry» mamandyqtaryn bitirgen. 1990-1998 jyldary Pavlodar oblystyq fılarmonııasynda konsertmeıster, orkestr dırektory, orkestr ártisi, S. Toraıǵyrov atyndaǵy Pavlodar pedagogıkalyq ınstıtýtynda pedagogıka jáne mýzykalyq-estetıkalyq tárbıe berý kafedrasynyń oqytýshysy qyzmetterin atqarǵan. Memlekettik qyzmettegi ótilin 1998 jyly Pavlodar oblystyq mádenıet basqarmasy basshysynyń orynbasary retinde bastaǵan.
2002-2006 jyldary Qazaqstan Respýblıkasy Mádenıet mınıstrliginde halyq shyǵarmashylyǵy jáne aımaqtyq saıasat basqarmasynyń basshysy, Qazaqstan Respýblıkasy Parlamenti Májilisi apparaty zań bóliminiń bas konsýltanty laýazymdarynda qyzmet atqarǵan.
2006-2014 jyldary QR Mádenıet jáne aqparat mınıstrliginde óner departamenti dırektorynyń orynbasary, mádenıet jáne tilderdi damytý departamenti dırektorynyń orynbasary, Shyǵys Qazaqstan oblystyq mádenıet, muraǵat jáne qujattama basqarmasynyń basshysy boldy.
2015-2017 jyldary Qazaqstan Respýblıkasy Premer-Mınıstri orynbasarynyń keńesshisi, Qazaqstan Respýblıkasy Mádenıet jáne sport mınıstrligi mádenıet jáne óner jumystary jónindegi departamenti dırektorynyń orynbasary laýazymdarynda eńbek etti.
2017-2020 jyldary «Áziret Sultan» memlekettik tarıhı-mádenı qoryq-mýzeıi» respýblıkalyq memlekettik qazynalyq kásiporny tarıhı-mádenı obektilerdiń saqtalýyn qamtamasyz etý jáne ınnovasııalyq damý jónindegi dırektor orynbasary, dırektory qyzmetterin atqardy.
2020 jyldyń maýsym aıynan beri «Berel» memlekettik tarıhı-mádenı qoryq-mýzeıi» respýblıkalyq memlekettik qazynalyq kásiporny dırektorynyń mindetin atqarýshy boldy.