Sybaılas jemqorlyqqa qarsy is-qımyl baǵdarlamasy qalaı oryndalýda?

Sonymen, Qyzylorda oblysynda atalǵan kezeńde jymqyrý faktisi boıynsha 126 sybaılas qylmys, 111 – paraqorlyq, 19 laýa­zymdyq ókilettigin asyra paı­da­laný tirkelgen. 142 adam qyl­mystyq jaýapkershilikke tar­­tylǵan, onyń 13-i – oblystyq deń­­geı­degi, 15-i – qalalyq jáne aý­dan­dyq deńgeıdegi basshylar. My­­saly, bıyl Qazaly aýdan­dyq qurylys bóliminiń basshysy «Qazaly aýdany ákimdiginiń ákim­shilik ǵımaraty» nysanynyń qury­­lysy kezinde jobalyq-smeta­lyq qujattamaǵa jáne oryndalǵan jumystar aktisine qýatty kabel jelileriniń uzyndyǵy týraly senim­­siz málimet engizý arqyly 125,6 mln teńge kóleminde bıýdjet qa­rajatyn jymqyrǵany úshin sot­talǵan. Sondaı-aq Shıeli aýdan­­­­dyq bilim bóliminiń basshysy oqý­­­shy­lardy jazǵy lagerlerge ornalastyrý jáne olardy ystyq tamaqpen qamtamasyz etý boıynsha jalǵan ózara esep aıyrysýdy re­­simdeý arqyly 334,9 mln teńge kó­­­­le­­­minde bıýdjet qarajatyn jym­­­qyr­ǵany úshin sotqa tar­tylǵan.

Ákimdikter janyndaǵy sybaılas jemqorlyqqa qarsy is-qımyl jónindegi vedomstvoaralyq ko­mıs­sııalardyń jumysy da Nur Otan-nyń Sybaılas jemqorlyqqa qarsy is-qımyl jónindegi keńesi músheleriniń jeke suraǵyn týǵyz­dy.

«Oblystyq ákimdiktiń vedom­st­voara­lyq komıssııasyn­da (VAK) oty­rystyń kún tárti­bin jos­parlaǵanda sybaılas jem­qor­­lyq ahýalyna monı­torıng júr­­gizilmegeni anyqtal­dy. Ko­mıssııada ishki ister, aýyl sharýa­shy­lyǵy, jumyspen qamtý jáne áleýmettik baǵdarlamalar organ­darynda sybaılas jemqor­lyqqa qarsy is-qımyl boıynsha ju­mys­tardyń jaı-kúıi týraly má­se­le­men aınalyspaǵan. Al Qyzylorda qalalyq ákimdiginde budan da soraqy kóptegen másele boıynsha anyqtamalyq, talda­malyq derekter múldem joq, hat­tamalarda usynymdardy oryn­daýdyń naqty merzimderi jazyl­maǵan, al rastaýshy qujat­tar atymen joq. Oblystyq den­saý­lyq saqtaý basqarmasynyń anyq­tamasy atústi jasalǵan – sybaı­las jemqorlyq táýekelderi anyq­talǵan-anyqtalmaǵany túsiniksiz. Ol tipti kelisilmegen jáne beki­tilmegen bolsa, ne aıtýǵa bolady?», dedi keńes múshesi A.Quspan.

О́z kezeginde Qostanaı obly­synda Nur Otan partııasy ja­nyndaǵy Sybaılas jemqorlyqqa qarsy is-qımyl jónindegi res­pýblıkalyq qoǵamdyq keńestiń músheleri memlekettik kórsetiletin qyzmettiń qoljetimdiligine nazar aýdardy.

«О́ńirde saýaldama alyn­ǵan turǵyndardyń 81,2%-ynyń memle­kettik kórsetiletin qyz­mettiń sapasyna kóńilderi tolady, olardyń basym bóligi elektrondy úkimet portaly arqyly kórsetiledi. So­ny­men birge «Qostanaı – adal­dyq alańy» jobalyq keńsesi júr­giz­gen monıtorıngtiń nátıjesi boıynsha Qostanaı aýdanynyń sáýlet jáne qala qurylysy, jer qa­tynastary bólimderinde ha­lyq­tyń mobıldiligi tómen toptary úshin jaǵdaı jasaý boıynsha buzýshylyqtar anyqtaldy. Aqpa­rattyq jumys jetkilikti júrgi­zilmeı otyr», dedi keńes múshesi J.Rysbekova.

Sondaı-aq keńes músheleri Qos­tanaı oblystyq bilim basqar­masy qyzmetinde anyqtalǵan buzý­shy­lyqtardy da talqylady, onyń ishinde partııanyń 2015-2025 jyldarǵa arnalǵan Sy­baılas jemqorlyqqa qarsy is-qı­myl baǵdarlamasyn iske asyrý bo­ıynsha Jol kartasy men Qa­zaqstan Respýblıkasynyń Sy­baı­las jemqorlyqqa qarsy strate­gııasynyń oryndalýy týraly aq­pa­rattyń bolmaýy qaraldy.

Otyrys qorytyndysy boıynsha Qyzylorda oblysynda – Qazaly aýdanynyń ákimi M.Orazbaevty, bilim basqarmasynyń basshysy A.Qasymovany jáne densaýlyq saqtaý basqarmasynyń basshysy S.Pazylovty eskertpe túrinde partııalyq jaýapqa tartý jóninde sheshim qabyldandy. Qostanaı oblysynda Qostanaı aýdanynyń ákimi J.Taýkenov jáne oblystyq bilim basqarmasynyń basshysy Z.Baımenova eskertý aldy.

«Egemen-aqparat»