Prezıdent Nursultan Nazarbaev kórnekti aqyn, qoǵam qaıratkeri Farıza Ońǵarsynovanyń qaıtys bolýyna baılanysty týǵan-týystaryna kóńil aıtý jedelhatyn joldady, dep habarlady Prezıdenttiń baspasóz qyzmeti.
Prezıdent Nursultan Nazarbaev kórnekti aqyn, qoǵam qaıratkeri Farıza Ońǵarsynovanyń qaıtys bolýyna baılanysty týǵan-týystaryna kóńil aıtý jedelhatyn joldady, dep habarlady Prezıdenttiń baspasóz qyzmeti.
Memleket basshysy Farıza Ońǵarsynovanyń ulttyq poezııamyzǵa ózgeshe lep ákelgen erekshe daryn ıesi ekenin atap ótken.
«Onyń qalamynan týǵan názik te otty jyrlar árdaıym halqymyzdyń jan-júregin eriksiz baýrap alatyn. Onyń óleńderinen ózine tán ór minezi, órshil rýhy, adam janynyń tereń qaltarystaryna jiti úńilip, sony tańǵalarlyqtaı sheberlikpen asha biletin qýatty talant tegeýrini aıqyn sezilip turatyn. Sondyqtan da Qazaqstan halqy aqıyq aqyn, tamasha jýrnalıst jáne elimizdiń kórnekti qaıratkerin erekshe qadirledi», – delingen jedelhatta.
Jedelhatta aqynnyń qoǵam damýyna qosqan erekshe eńbegi úshin Qazaqstannyń joǵary memlekettik nagradalaryna ıe bolǵany atap ótilgen. Sondaı-aq, halqymyzdyń ózine kórsetken zor senimi arqasynda Farıza Ońǵarsynova Parlament Májilisiniń depýtaty bolyp saılanǵan.
Memleket basshysy aqynnyń esimi umytylmaıtynyna, al onyń shyǵarmalary Qazaqstan halqynyń jadynda árdaıym saqtala beretinine senim bildirgen.