Aqmola oblysy TJD bastyǵynyń mindetin atqarýshy Qanat Dospaev brıfıngte óńirdegi shomylý maýsymyn qorytyndylady, dep habarlaıdy Egemen.kz.
Onyń aıtýynsha, sýǵa shomylý maýsymy bastalǵannan beri qutqarýshylar 80 adamnyń ómirine arasha túsken, onyń ishinde 11-i bala. Oblys boıynsha 32 adam ajal qushsa, onyń 7-i kámeletke tolmaǵandar.
«Jyl saıyn shomylý maýsymy bastalǵanǵa deıin ruqsat etilmegen jerlerde tyıym salynǵan belgiler ornatylady, biraq qala turǵyndary ony elemeı, óz ómirlerine qaýip tóndiredi. Sýda adamdardyń qaza bolýymen tirkelgen oqıǵalardyń negizgi sany demalys jáne mereke kúnderine keledi, onda 20 adam qaza boldy, jalpy sanynyń 62 paıyzyn quraıdy», deıdi Qanat Dospaev.
Departament basshysynyń orynbasary atap ótkendeı, shomylý maýsymy aıaqtalǵanyna qaramastan, sý aıdyndarynda adam óliminiń aldyn alý boıynsha profılaktıkalyq jumys ári qaraı jalǵasyn tabady.
«Kúzgi kezeńniń bastalýymen ań aýlaý jáne balyq aýlaý maýsymy bastalady. Osyǵan baılanysty sý qoımalarynda balyq jáne ań aýlaý kezindegi qaýipsizdik jónindegi negizgi erejelerdi eske salǵym keledi. Sýdyń shetine jaqyndaǵanda abaı bolý kerek», dep túıindedi Qanat Dospaev.