Nur-Sultan polıseıleri zańsyz qarý saqtaǵan turyǵyndy anyqtady, dep habarlaıdy Egemen.kz Polisia.kz-ke silteme jasap.
Polısııa qyzmetkerleri «Quqyqtyq tártip» jedel aldyn alý is-sharasy barysynda saǵat 22:05-te Barshyn kóshesinde 32 jastaǵy er adamnyń basqarýyndaǵy Toyota avtokóligin toqtatty.
Ustalǵan azamattyń kólikke qatysty qujattary joq ekeni anyqtaldy. Sonymen qatar ol birneshe ret qylmystyq jaýapkershilikke tartyldy.
Avtokólikti tekserý barysynda úsh as úı pyshaǵy men bir ańshylyq pyshaq, 32 mm kalıbrli tegis uńǵyly qarý jáne onyń patrondary tárkilendi.
Atalǵan fakti boıynsha QR QK 287-baby «Qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý» boıynsha qylmystyq is qozǵaldy. Qazirgi ýaqytta tergeý amaldary júrgizilýde.