AQSh-ta Ida daýyly qurbandarynyń sany artty. Sońǵy málimet boıynsha tabıǵat apatynan 68 adam kóz jumǵan, dep jazady Egemen.kz.
Jaqynda eldiń shyǵysynda Ida daýyly oıran salǵan edi. Kúshti jelmen qosa nóser jaýyp, biraz aımaqty sý basty. Tabıǵat apatynan ásirese Lýızıana, Nıý-Djersı jáne Nıý-Iork shtattary qatty zardap shekti.
Lýızıanadaǵy Jańa Orlean qalasynyń búkil turǵyny jaryqsyz qalsa, Nıý-Iork qalasynda jaýyn-shashynnyń meteobaqylaý tarıhyndaǵy rekordtyq mólsheri túsken. Sol úshin shaharda tótenshe jaǵdaı tártibi engizilgen. Al sınoptıkter Soltústik Amerıkaǵa Larrı daýyly taıap qalǵanyn aıtady. Boljam boıynsha, Larrıdiń kúshi Ida daýylynan da asyp túsýi múmkin.