Shotlandııada tórt myń jyldyq jumbaq sharlar tabyldy. Tabylǵan zat Orknı araldarynda ornalasqan kóp kameraly qabirden shyqty, dep habarlaıdy Egemen.kz Daily Mail-ge silteme jasap.
Lankashır ýnıversıteti men Shotlandııa Ulttyq mýzeıiniń ǵalymdary Tresness shyǵanaǵyndaǵy araldan sırek kezdesetin artefaktilerdi tapty. Bul aımaqta qazba jumystary 2017 jyldan beri júrgizilip keledi.
«Bul óte qyzyqty olja», dep tańdandy arheologtar toby.
Sharlardyń dıametri shamamen bes santımetr. Sarapshylar olardyń bireýiniń keremet sferalyq pishini men ádemi árleýi bar ekenin atap ótti.
«Olardy qarý retinde, salt-joralarǵa nemese terini óńdeýge, tipti qurylys bloktaryn jyljytýǵa qajetti zattar retinde qoldanýǵa bolady», degen teorııany alǵa tartty mamandar.
Orknı araldarynda tabylǵan sharlardyń jalpy sany 20-ǵa jýyq. Ǵalymdardyń oıynsha, «keremet olja» neolıt dáýirine jatady.
Sondaı-aq, qazba jumystary kezinde zertteýshiler adamdar men janýarlardyń súıekterin, keramıka men túrli tas artefaktilerin kezdestirdi, olardyń arasynda pyshaqtar, balǵalar men ydystar bar.