Sınoptıkter 8 qyrkúıekke arnalǵan Qazaqstandaǵy aýa raıy boljamyn usyndy, dep habarlaıdy Egemen.kz.
«Atmosferalyq frontaldy bólikterdiń ótýine baılanysty elimizdiń soltústik-batysynda, soltústiginde, shyǵysynda, ońtústiginde jáne ortalyǵynda naızaǵaı oınap, jel kúsheıedi, Aqmola oblysynyń ortalyǵynda qatty jańbyr jaýady. Qazaqstannyń qalǵan aýmaǵynda antısıklon jotasynyń áserinen jaýyn-shashynsyz aýa raıy kútiledi. Soltústik-batysta jáne soltústikte tuman, respýblıkanyń soltústiginde, shyǵysynda jáne ortalyǵynda – burshaq kútiledi», dep habarlady «Qazgıdromet» RMK.
Aqmola oblysynyń soltústigi men ortalyǵynda naızaǵaı, burshaq kútiledi, batysy men ońtústik-shyǵysynda jel 15-20, kúndiz ońtústik-shyǵysynda ekpini 25 m/s jetedi.
Qostanaı oblysynyń soltústiginde, shyǵysynda jáne ońtústik-shyǵysynda naızaǵaı, túnde jáne tańerteń soltústik pen shyǵysta tuman, ońtústikte jeldiń jyldamdyǵy 15-20 m/s jetedi.
Kúndiz Shyǵys Qazaqstan oblysynyń soltústik-batysynda naızaǵaı, burshaq, daýyl kútiledi, jel 15-20 m/s kúsheıedi.
Qaraǵandy oblysynyń batysy men soltústiginde naızaǵaı kútiledi, kúndiz soltústikte burshaq jaýýy múmkin, oblystyń batysy men soltústiginde, sondaı-aq ortalyǵynda jeldiń jyldamdyǵy 15-20 m/s jetedi.
Soltústik Qazaqstan oblysynyń ońtústiginde, batysynda naızaǵaı, túnde soltústik-shyǵysynda tuman kútiledi.
Kúndiz Pavlodar oblysynda jel 15-20, soltústik pen ońtústikte ekpini 23 m/s kúsheıedi.
Túnde Qyzylorda oblysynyń soltústik-batysynda naızaǵaı oınap, jel 15-20 m/s kúsheıedi.
Tańerteń jáne kúndiz Túrkistan oblysynda jeldiń jyldamdyǵy 15-20 m/s, taýly aýdandarda ekpini 25 m/s, oblystyń soltústigi men batysynda shańdy daýyl kútiledi.
Túnde Batys Qazaqstan, Soltústik Qazaqstan oblystarynyń soltústiginde, Aqtóbe, Qostanaı oblystarynyń soltústiginde jáne shyǵysynda topyraq betinde 2 gradýs úsik júredi.
«Almaty, Jambyl, Túrkistan, Qyzylorda, Mańǵystaý, Atyraý, Aqtóbe, Qostanaı oblystarynyń basym bóliginde, Batys Qazaqstan oblysynyń soltústik-shyǵysynda jáne ońtústiginde, Qaraǵandy oblysynyń batys jartysynda, Aqmola oblysynyń ońtústik-batysynda jáne ońtústiginde, Pavlodar oblysynyń ortalyǵynda, Shyǵys Qazaqstan oblysynyń ońtústiginde, ońtústik-shyǵysynda tótenshe órt qaýpi saqtalady», dep habarlady vedomstvodan.