Nur-Sultan qalasynda Qazaqstan halqy Assambleıasy etnomádenı birlestikteri jastar qanaty basshylarynyń qatysýymen Memleket basshysy Qasym-Jomart Toqaevtyń Joldaýyn talqylaý boıynsha onlaın dóńgelek ústel ótti.
Is-sharaǵa QHA músheleri, respýblıkalyq jastar uıymdarynyń ókilderi, Qazaqstan halqy Assambleıasynyń «Jańǵyrý joly» respýblıkalyq jastar qozǵalysynyń belsendileri, eriktiler jáne t.b. qatysty.
О́z sózinde Parlament Májilisiniń depýtaty V.Nábıev Qazaqstan halqy Assambleıasynyń jastaryn Memleket basshysynyń Joldaýyn belsendi túrde qoldaýǵa jáne onda qamtylǵan máselelerdi birlese iske asyrýǵa shaqyrdy.
Otyrys barysynda Prezıdent Joldaýy bizdiń qoǵamnyń eń ótkir jáne shuǵyl máselelerin sheshýge baǵyttalǵan ekonomıkalyq, áleýmettik jáne saıası sharalardyń oılastyrylǵan jáne shynaıy kesheni ekendigi aıtyldy. Qazaqstannyń barlyq azamattarynyń áleýmettik-ekonomıkalyq ál-aýqatyn jaqsarta túsý, elimizdi damytý alǵa qoıylǵan negizgi strategııalyq maqsattardy óz deńgeıinde iske asyrýǵa baılanysty.
Dóńgelek ústelge qatysýshylar dástúrli dıalog pen azamattyq qatysýdyń, bizdiń ishki yntymaǵymyz ben qoǵam birliginiń negizinde jatqan progressıvti qundylyqtardy nasıhattaýdyń mańyzdylyǵyn erekshe atap ótti.
Otyrys barysynda dóńgelek ústelge qatysýshylar Memleket basshysynyń Qazaqstan halqyna Joldaýyn ilgeriletý men iske asyrýda jáne qoǵamdyq kelisim men jalpyulttyq birlikti nyǵaıtýda QHA aldynda turǵan ózekti mindetterdi qarastyrdy.