QR Densaýlyq saqtaý birinshi vıse-mınıstri Marat Shoranov koronavırýs delta shtamyna qarsy jańa modıfıkasııalanǵan qazaqstandyq vaksınany ázirleý máselesine qatysty pikir bildirdi, dep habarlaıdy Egemen.kz.
«Delta shtamyna keletin bolsaq, onyń tıisti úlgileri zertteý úshin berildi», dedi Marat Shoranov brıfıngte.
Vıse-mınıstr qolda bar otandyq vaksınanyń delta shtamyna qarsy tıimdiligi rastalǵanyn atap ótti.
«Jańasyn ázirleýge keletin bolsaq, munda rásimdik sıpattaǵy máseleler bar. Bul jerde biz ınstıtýtpen tyǵyz jumys júrgizip jatyrmyz», dep sendirdi Marat Shoranov.
Buǵan deıin KVI-ǵa qarsy vaksına alǵannan keıin qazaqstandyqtardyń basym bóligi koronavırýspen aýyrǵany týraly habarlanǵan bolatyn.
«Eger biz vaksınalardyń túrleri boıynsha júretin bolsaq, onda vaksınalardyń birinshi komponentin alǵannan keıin bizde 7 070 adamnyń arasynda aýrýshańdyq tirkeldi, bul jalpy sannyń 0,1%-yn quraıdy», dedi QR Densaýlyq saqtaý mınıstrliginiń sanıtarlyq-epıdemıologııalyq baqylaý komıteti tóraǵasynyń orynbasary Záýre Ahmetova.