Búgin Almatyda Syrtqy ister mınıstrliginiń Almaty qalasy О́kildiginiń uıymdastyrýymen «Qasym-Jomart Toqaev. Qazaqstan Respýblıkasy Prezıdentiniń tańdamaly eńbekteri» kitaby tanystyryldy, bul jıynǵa Almatynyń saıası elıtasy ǵana emes, osy qalada tirkelgen dıplomatııalyq korpýs ókilderi de qatysty, dep habarlaıdy Egemen.kz.
Basylymnyń jaýapty redaktory Halyqaralyq jáne aımaqtyq yntymaqtastyq ǵylymı-zertteý ınstıtýty dırektory Bolat Sultanov oqyrmandar nazaryna usynylyp otyrǵan jınaqty Qazaqstan – nemis ýnıversıtetiniń Halyqaralyq jáne aımaqtyq yntymaqtastyq ǵylymı-zertteý ınstıtýty tarapynan ázirlep, jaryqqa shyǵarǵanyn, bıznes joba emes ekenin, satýǵa da arnalmaǵanyn eskertti.
Bolat Qylyshbaıulynyń atap ótýinshe, Konstıtýsııada elimizdi basqarýdyń prezıdenttik formasy bekitilgen. Túrik kóshbasshysy Erdoǵan elinde parlamenttik respýblıkadan prezıdenttik respýblıkaǵa kóshýdi júzege asyrǵanyn eske túsirgen Bolat Qylyshbaıuly Qyrǵyzstanda da respýblıka prezıdenttikpen parlamenttikke, odan keıin qaıtadan prezıdenttikke transformasııa jasalǵanyn jınalǵandardyń qaperine salyp ótti.
«Bul mysaldar kúrdeli saıası jaǵdaıda myqty prezıdenttik bılik jáne soǵan oraı Prezıdenttiń halyq pen memleket aldyndaǵy jeke jaýapkershiligi ishki saıası aýaldy turaqtandyrýǵa ári eldiń óńiregindegi syrtqy saıası jaǵdaıdy túbegeıli ózgertýge múmkindik beretindigin dáleldeıdi», deıdi Bolat Sultanov.
Aıta ketsek, atalmysh kitaptyń tanystyrylymy Bolat Qylyshbaıulynyń 70 jyldyq mereıli jasyna týra keldi.
Syrtqy ister mınıstrliginiń Almaty qalasy О́kildiginiń jetekshisi Asqar Shoqybaev dıplomat, tarıhshy hám saıasattanýshyny mereıli jasymen quttyqtady.