Polshanyń Skarjısko-Kamenna qalasyndaǵy Mesko polıak áskerı kásipornynda jarylys boldy. Saldarynan bir áıel qaza tapty, dep habarlaıdy Egemen.kz.
«Evropeıskaıa pravda» gazetiniń habarlaýynsha, polısııa oqıǵanyń mán-jaıy týraly áli tolyq aqparat bergen joq.
Polısııanyń baspasóz qyzmeti jarylys jergilikti ýaqyt boıynsha tańǵy saǵat 6 shamasynda bolǵanyn, qazir oqıǵa ornynda sot-medısınalyq sarapshylar jumys istep jatqanyn aıtty.
Zaýyttaǵy kásipodaq ókili tasymaldaý kezinde dálizde jarylǵysh zattyń jarylǵanyn aıtty. Bul zaýyttaǵy adam ólimine ákelgen bir jyldaǵy ekinshi oqıǵa.
Eske salaıyq, sáýirde jarylǵysh zattar shyǵarylatyn ǵımaratta jarylys bolǵan edi. 48 jastaǵy áıel aýyr jaraqat alyp, úsh aıdan keıin aýrýhanada kóz jumǵan.