Aıagóz balalarǵa arnaıy áleýmettik qyzmet kórsetý ortalyǵynda taǵy shý shyqty. 9 qyrkúıekte ortalyqtaǵy beınebaqylaý kameralaryn qaraý kezinde uldar jatyn bólmesinde mekeme tárbıelenýshileriniń jynystyq qatynasqa túspek bolý áreketi anyqtaldy, dep habarlaıdy Egemen.kz.
Jynystyq qatynas áreketin mekeme qyzmetkeri baıqap, ýaqytynda qajetti sharalar qabyldaǵan.
«Iá, bul derekti rastaımyz. Ortalyq qyzmetkeriniń qyraǵylyǵy arqasynda oqıǵanyń aldy alyndy. Qazirgi ýaqytta balalarǵa medısınalyq tekserý júrgizilip jatyr, olarmen psıholog maman jumys isteıdi», dedi ShQO jumyspen qamtýdy úılestirý jáne áleýmettik baǵdarlamalar basqarmasynyń basshysy Jasulan Sársebaev.
Oqıǵanyń mán-jaıyn anyqtaý úshin Jasulan Sársebaev birden oqıǵa ornyna barǵany belgili boldy. Sonymen qatar, tıisti ótinish pen materıaldar is júrgizý sharalaryn qabyldaý úshin quqyq qorǵaý organdary men prokýratýraǵa joldanǵan. О́ńir ákiminiń tapsyrmasy boıynsha vedomstvoaralyq komıssııa qurylǵan.«Aıagóz balalarǵa arnalǵan arnaıy áleýmettik qyzmet kórsetý ortalyǵy» KMM dırektory Sholpan Maqashevanyń aıtýynsha, uldardyń jaǵdaıy qanaǵattanarlyq.
Aıta keteıik, bul aýyr psıhonevrologııalyq patologııasy bar balalar ustalatyn Aıagóz arnaıy áleýmettik qyzmet kórsetý ortalyǵyna (AÁQKO) baılanysty birinshi jaǵdaı emes.