Densaýlyq saqtaý vıse-mınıstri Ajar Ǵınııat jumys saparymen Almaty qalasynda boldy. Ol birqatar medısınalyq nysandardy aralap, koronavırýstyq ınfeksııanyń taralýyna jol bermeý jónindegi shtabtyń otyrysyna qatysty, dep jazady Egemen.kz.
A.Ǵınııat "A.N.Syzǵanova atyndaǵy Ulttyq ǵylymı hırýrgııa ortalyǵy" AQ-da boldy. Bul ortalyq óz salasynda jetekshi kópbeıindi medısınalyq mekeme bola otyryp, elimizde jáne Respýblıkadan tys jerlerde jetekshi oryn alady, onda eń zamanaýı tehnologııalar boıynsha emdeý-dıagnostıkalyq kómek kórsetiledi, ol sondaı-aq kadrlyq áleýetti damytýdy jáne praktıkalyq medısınaǵa ınnovasııalyq ádisterdi engizýdi ortalyqtyń óziniń bazasynda ǵana emes, óńirlerge shyǵýda oqytý sheberlik synyptaryn ótkizý jolymen júzege asyrady. UǴO QR halqyna qyzmet kórsetedi jáne kardıohırýrgııada, tamyr hırýrgııasynda angıografııalyq qurylǵylardy, jalpy hırýrgııada, torakaldy hırýrgııada, gınekologııada jáne organdardy transplantasııalaýda endoskopııalyq aralasýlardy qoldana otyryp, 30%-dan astam azınvazıvti operasııalyq aralasýlardy oryndaıdy.
Sapar barysynda vıse-mınıstr dıagnostıkalyq ortalyqtyń, klınıkalyq bólimshelerdiń, klınıkalyq-dıagnostıkalyq zerthananyń jumysymen tanysty, sondaı-aq rentgenohırýrgııa, ıntervensııalyq kardıologııa jáne arıtmologııa bólimshesine bardy. Sondaı-aq, ol baýyr men búırekti transplantasııalaýdan, qursaq qýysy múshelerine aýyr rekonstrýktıvti-qalpyna keltirý aralasýlarynan keıin qarqyndy terapııa bólimshesindegi pasıenttermen júzdesip, olarǵa tezirek saýyǵýdy tiledi.
Sonymen qatar, A.Ǵınııat Qazaq onkologııa jáne radıologııa ǴZI baryp, balalar onkologııa ortalyǵyn aralady. Munda vıse-mınıstr kompıýterlik tomografııa kabınetine bardy, onda aquilion Prime saraptamalyq synybynyń kompıýterlik tomografy jańa apparaty ornatyldy, jańartylǵan operblokty, zamanaýı PET/KT-ortalyǵyn jáne jańa Tomoterapııa ortalyǵyn qarap shyqty.
Sapar sońynda A.Ǵınııat Kardıologııa jáne ishki aýrýlar ǴZI-da boldy, sondaı-aq KVI taralýyna jol bermeý jónindegi shtabtyń otyrysyna qatysty, onyń barysynda Densaýlyq saqtaý mınıstrliginiń Almatydaǵy tobynyń jumys qorytyndysy boıynsha usynystar aıtty.