Bas prokýror Ǵızat Nurdáýletovtiń tóraǵalyǵymen Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi Úılestirý keńesiniń otyrysy ótkizilip, onda ekonomıkalyq kontrabandaǵa qarsy is-qımyl máseleleri qaraldy. Onyń jumysyna Úılestirý keńesiniń músheleri, oblystardyń prokýrorlary, quqyq qorǵaý, ortalyq jáne jergilikti memlekettik organdardyń basshylary qatysty.
Otyrysty asha otyryp, Bas prokýror ekonomıkalyq kontrabanda memleketke eleýli zalal keltiretinin, otandyq bıznes úshin teń emes báseke týdyratynyn atap ótti. 5 jyl ishinde respýblıka boıynsha keden salasynda 700-den asa qylmystyq quqyq buzýshylyq tirkelgen.Keńeste Qarjy monıtorıngi agenttigi men Memlekettik kirister komıtetiniń qabyldap otyrǵan sharalary týraly baıandamalar tyńdaldy.Sheteldik memlekettermen aqparat almasý, ishki naryqty zańsyz ımporttan qorǵaý jáne kedendik beketterdi tehnıkalyq jaraqtandyrý máseleleri talqylandy.Ǵ.Nurdáýletov «Qazaqstanda kóliktiń shekarada orynsyz turyp qalý faktilerin boldyrmaı, qabyldanyp otyrǵan sharalar adal bıznes úshin kedergi keltirmeýi kerek» dep atap ótti.Is-shara qorytyndysymen Úılestirý keńesiniń músheleri shekaradaǵy zańsyz saýda aınalymyna qarsy kúres boıynsha usynymdar berdi.
«Egemen-aqparat»