7 qyrkúıekte Mahambet aýdany, Tańdaı aýyly turǵyndary narazylyq tanytyp, bıologııa páni muǵaliminiń jumysqa shyǵýyna qarsylyq bildirdi. Bul máselege oblystyq bilim berý basqarmasy da nazar aýdardy, dep habarlaıdy Egemen.kz.
Eske sala ketsek, tańdaılyqtar jarty jyl boıy naǵashysynyń múrdesin qorada saqtaǵan muǵalimniń jergilikti mektepke qaıta jumysqa shyǵýyna beı-jaı qaraı almady.
«Ata-analardyń ótinishi eskerildi. Bul jaǵdaı mekteptiń pedagogıkalyq keńesinde jan-jaqty talqylanyp, Eńbek kodeksiniń talaptaryna sáıkes ol muǵalim jumysynan bosatyldy», dep habarlady oblystyq bilim berý basqarmasynyń bastyǵy Satqan Esenǵalıev.
Alaqandaı aýyldy dúr silkindirip, úreı týǵyzǵan bul jaıt ótken jyly bolǵan. 82 jastaǵy naǵashysynyń múrdesi qańtarda tabyldy. Naǵashysy ólgennen keıin ony jerleýdiń ornyna múrdesin uzaq ýaqyt aýladaǵy qorada saqtap, týysqandarǵa Qyzylordaǵa, ne basqa jaqqa ketip qaldy degen eken. Tergeý bastalǵan kezde ol ýaqytsha jumysynan shettetildi, biraq keıin polısııa onyń áreketinen qylmystyq quram anyqtaǵan joq. Jazda ol aýyldan ketedi degendi estigen halyq beıqam otyrdy. Endi jańa oqý jyly bastalǵanda ol mektepke jumysqa qaıta shyǵypty. Osy jaǵdaı aýyl turǵyndarynyń narazylyǵyn týdyrǵan.