Almaty oblysynda KVI aýrýyna baılanysty 240-tan astam mektep synyptary karantınge jiberildi. Bul týraly OKQ brıfınginde Almaty oblysy ákiminiń orynbasary Batyrjan Baıjumanov málimdedi, dep habarlaıdy Egemen.kz.
Búgingi tańda óńirde oqýshylardyń 90%-y shtattyq rejımde, 64 myńy aralas formatta oqıdy. Densaýlyq jaǵdaıy boıynsha 517 oqýshy qashyqtan oqıdy.
«1 qyrkúıekten bastap oblys boıynsha balabaqshalardyń tárbıelenýshileri arasynda koronavırýstyq ınfeksııamen syrqattanýdyń 18 jaǵdaıy, oqýshylar arasynda 209 jaǵdaı jáne pedagogtar arasynda 47 jaǵdaı tirkeldi. Qalalar men aýdandardyń sanıtarlyq dárigerleri oblystyń 120 mektebiniń 244-synyptarynda karantın engizý týraly 176 qaýly shyǵardy. 3,5 myń oqýshy men muǵalim úı karantınine aýystyryldy», dedi Batyrjan Baıjumanov.
Onyń aıtýynsha, eger mektep oqýshylarynyń biri koronavırýspen aýyrsa, onda búkil synyp eki aptalyq karantınge aýystyrylady.