Rejısser Farhat Sháripovtiń «18 kılogers» fılmi HVII Qazan halyqaralyq musylman kınofestıvaliniń bas júldesin jeńip aldy. «Úzdik tolyqmetrli oıyn fılmi» atanǵan kınokartına operatorlyq jumysy úshin de marapattaldy.
Aıta keteıik, «18 kılogers» fılminiń álemdik tusaýkeseri Varshavadaǵy halyqaralyq kınofestıvalda ótip, bas júldege ıe boldy. Keıin Kotbýsta (Germanııa) ótken 30-shy halyqaralyq kınofestıvalda da úzdik atandy.
«18 kılogers» – 90-jyldardyń sońyndaǵy jasóspirimderdiń ómiri baıandalatyn kóshe tarıhyna qurylǵan. Fılmdegi basty rólderdi debıýtant akterler somdady: Musahan Jumahan, Álibek Ádiken, Kamıla Fýn-So. Kınokartına byltyr qazanda 36-shy Varshava halyqaralyq kınofestıvaliniń bas júldesin qanjyǵalap, sensasııa ornatty. Odan bólek Pýsan halyqaralyq kınofestıvaliniń «Azııa kınosyna tereze» atty konkýrstyq baǵdarlamasynda kórsetildi.
XVII Qazan halyqaralyq musylman kınosy festıvali Tatarstan Respýblıkasynyń astanasynda 5-10 qyrkúıek kúnderi aralyǵynda ótti. Bıyl forýmǵa 45 eldiń kınematografısteri ótinim bergen.