«Almaty oblysyndaǵy joıqyn jer silkinisi saldarynan týyndaǵan tótenshe jaǵdaılardy joıý kezindegi is-qımyldarǵa azamattyq qorǵaý memlekettik júıesiniń basqarý organdaryn, kúshter men quraldaryn daıyndaý» taqyrybynda «Jer-2021» halyqaralyq komandalyq-shtabtyq oqý-jattyǵýy ótedi, dep jazady Egemen.kz TJM baspasóz qyzmetine silteme jasap.
Oqý-jattyǵý sharasy 21-22 qyrkúıek aralyǵynda Almaty oblysynyń Tamǵaly Tas shatqalynda Qapshaǵaı qalasynan tómen, «Jartasty qala-Astana» oqý-jattyǵý polıgonynda ótedi.
«Shara QR Tótenshe jaǵdaılar mınıstri Iýrıı Ilınniń basshylyǵymen oryndalady. Oǵan oblystardyń, respýblıkalyq mańyzy bar qalalardyń jáne astananyń jergilikti atqarýshy organdary – TJ aldyn alý jáne joıý jónindegi komıssııalar, oblystyq, aýdandyq jáne qalalyq azamattyq qorǵaý qyzmetteri, QR TJM vedomstvolyq baǵynysty bólimsheleri, sondaı-aq eldegi basqa da mınıstrlikter men vedomstvolar, Qyrǵyzstan men О́zbekstan TJM tótenshe vedomstvolarynyń avarııalyq-qutqarý qyzmetteri qatysady», dep jazylǵan habarlamada.