Almatyda aǵaıyndy eki jigit aýlasynda 100-ge jýyq marıhýana butasyn ósirgen. Almaty qalasynyń polıseıleri 33 jáne 31 jastaǵy aǵaıyndy eki jigittiń zańsyz áreketin anyqtady. Jedel aqparat rastalyp, kúdiktiler ustaldy, dep habarlaıdy Egemen.kz.
«Olardyń Almaty qalasynyń Alataý aýdanynda ornalasqan úıiniń aýlasynda marıhýana ósirgeni anyqtaldy. Baqshadan sot-hımııalyq saraptamaǵa sáıkes jalpy salmaǵy 24 keli 300 gramm bolatyn 98 túp jabaıy qarasora tárkilendi», dedi Almaty qalalyq Polısııa departamenti Esirtki qylmysyna qarsy kúres basqarmasynyń bastyǵy Erlan Almaǵambetov.
Bul fakti boıynsha sotqa deıingi tergeý bastaldy, endi olardyń tyıym salynǵan shópti qandaı maqsatta ósirgeni anyqtalady.