Nıgerııada koronavırýs indetimen qatar tyrysqaq derti dendep barady. Búgingi kúnge deıin keselden 2300 adam kóz jumdy, dep habarlaıdy Egemen.kz.
Aýrýdy baqylaý jáne aldyn alý ortalyǵy eldiń 25 shtatynda aýyrǵandar sany 70 myńǵa jýyqtaǵanyn aıtady. Sońǵy bir aptanyń ózinde 46 adamnyń ómirin jalmaǵan. Sý tasqynynan zardap shegip, sanıtarlyq jaǵdaı kóńil kónshitpeıtin aýdandarda aýrýdy ekinshi márte juqtyryp jatqandardyń qatary artqan.
Aıta keteıik, elde koronaıvrýstyń delta shtamy keń etek jaıǵan. Ázirge halyqtyń tek 1 paıyzy ǵana vaksınanyń eki dozasyn qabyldaǵan. «COVID-19 ben tyrysqaq indetiniń ýshyǵýy eldiń densaýlyq saqtaý salasyna úlken aýyrtpashylyq túsirýde. Medısına qyzmetkerlerine de ońaı bolmaı tur. Indetpen kúresý jumystaryna qomaqty qarajat qajet. Birinshi kezekte alǵashqy medısınalyq-sanıtarlyq kómek kórsetý júıesin jónge keltirgenimiz jón», deıdi dáriger Akaknımo Ebong.