QR Bilim jáne ǵylym mınıstri Ashat Aımaǵambetov apparat jınalysynda ustazdarǵa arnalǵan sıfrlyq kýrsty meńgerý máselesine toqtalyp, tapsyrmany oryndamaǵan vedomstvo basshylaryna eskertý jasady, dep jazady Egemen.kz.
Mınıstrdiń aıtýynsha, pedagogterdiń sıfrlyq quziretin arttyrý úshin jańa onlaın kýrs daıyndalǵan. Búgingi tańda atalǵan kýrsqa 176 696 adam ǵana qatysyp, 112 035-i támamdaǵan.
«Tapsyrma berildi – tapsyrmany oryndaý kerek», degen Ashat Aımaǵambetov Atyraý, Aqtóbe, Qaraǵandy, Jambyl jáne Mańǵystaý oblystaryndaǵy bilim bóliminiń basshylarynan esep surady.
Atyraý oblystyq bilim basqarmasynyń jetekshisi Satqan Esenǵalıevke qatań eskertý jarııalady. Oǵan aldaǵy ýaqytta sıfrlandyrýdyń bazalyq quzirettilik qataryn tolyqtyrý týraly tapsyrma berdi.