Almaty oblysynda mektep qajettiligi úshin muǵalimderden aqsha jınamaq bolǵan meńgerýshi jumystan shyǵaryldy, dep jazady Egemen.kz QR Sybaılas jemqorlyqqa qarsy is-qımyl agenttiginiń oblystyq departamentink silteme jasap.
Baspasóz habarlamasyndaǵy málimetke sáıkes, Altyn aýylyndaǵy orta mektep muǵalimderiniń aıtýynsha, Qarasaı aýdany boıynsha oqý isiniń meńgerýshisi mektep muǵalimderinen 60-80 myń teńgeden bastap aqsha talap etken. Qarajat mektep qajettilikteri úshin qajet bolǵan. Talqylaýdan keıin joǵaryda atalǵan oqý meńgerýshisi qyzmetinen bosatylyp, dırektor tártiptik jaýapkershilikke tartylǵan.
Departamenttiń málimetinshe, para alý derekteri áli de bilim, aýylsharýashylyǵy jáne jer qatynastary salasynda jıi kezdesip otyr.
«Jalpy, bilim berý salasyndaǵy sybaılas jemqorlyq deńgeıi burynǵysynsha turaqty joǵary. Atalǵan fakti Call-ortalyqqa kelip túsken ótinishterdiń sanynyń kóptigi boıynsha dáleldenedi. Qazir arnaıy 1424 Call-ortalyqqa túsken barlyq ótinishtiń jartysynan kóbi bilim berý júıesine tıesili», dep jazylǵan habarlamada.