COVID-19 taralýyna jol bermeý jónindegi VAK álemdegi epıdahýalǵa sholý jasady, dep jazady Egemen.kz.
Malaızııada pandemııa bastalǵannan beri ınfeksııanyń 2 000 000-nan astam jaǵdaıy tirkeldi. SARS-CoV-2 shtammy «delta» vırýsynyń búkil álemde taralýynan keıin anyqtalǵan faktiler sany edáýir ósti. Osylaısha, 14 qyrkúıekte patshalyqta COVID-19 tasymaldaýshylarynyń sany 669-ǵa artyp, 463 naýqas qaıtys boldy. Koronavırýs ınfeksııasynyń rastalǵan jaǵdaıy 2 011 440-qa jetti, 21 587 adam qaıtys boldy. Qazir 1 242 naýqas reanımasııa bólimshelerinde, 692 adam О́JJ apparattaryna qosylǵan.
Ýkraınada «delta» shtamynyń taralýy koronavırýs ınfeksııasynyń órshýine ákeldi. Táýlikte 4 640 jańa jaǵdaıy tirkeldi. «Koronavırýs juqtyrǵandardyń 4 640 jańa rastalǵan jaǵdaıy tirkeldi. Sondaı-aq, ótken táýlikte 1609 adam aýrýhanaǵa jatqyzyldy, 93 adam qaıtys boldy, 1 858 adam saýyǵyp ketti», delingen Densaýlyq saqtaý mınıstrliginiń habarlamasynda. Sońǵy ret Ýkraınada antırekord 20 mamyrda tirkeldi, sodan keıin KVI-diń 4 984 jaǵdaıy anyqtaldy. Eń aldymen, ınfeksııa Kıev pen Odessa oblysynda taralady. Ýkraınada indet bastalǵannan beri 2 325 796 COVID-19 faktisi rastaldy, 54 550 naýqas qaıtys boldy.
«Kıpr aralynyń grek bóliginde eresek turǵyndardyń shamamen 80%-y COVID-19 vaksınasynyń kem degende bir dozasyn, al 76%-y eki dozany da aldy», dep habarlady Densaýlyq saqtaý mınıstri Mıhalıs Hadzıpantelas. Ol qazan aıynyń basynda halyqtyń 80%-y tolyq egiletinine senimdi. Pandemııa kezinde Kıprde koronavırýs ınfeksııasynyń 118 myńnan astam jaǵdaıy jáne ınfeksııanyń saldarynan 500-ge jýyq kóz jumý derekteri tirkeldi.
Danııadan Jańa Zelandııaǵa Pfizer vaksınasynyń 250 000 dozasy keldi. Preparat Arab Emıreıts kompanııasynyń ushaǵymen jetkizildi. Bul Jańa Zelandııanyń Eýropadan satyp alǵan 500 000 vaksına dozasynyń alǵashqy partııasy. Premer-Mınıstr Djakında Ardern buǵan deıin Danııamen jasalǵan kelisim vaksınaǵa degen suranysty qanaǵattandyrýy kerek jáne qyrkúıekke deıin jetkilikti bolady dep málimdedi. Vırýsqa qarsy preparattyń kelesi partııasy qazan aıynda kelýi kerek. «Biz Danııaǵa Jańa Zelandııa turǵyndaryn «delta» shtamynan qorǵaýǵa kómektesetin vaksınalardy bergeni úshin óte rızamyz», dedi Ardern.