Qazgıdromet aýa raıy boljamyna baılanysty bes óńirde daýyldy eskertý jrııalady, dep jazady Egemen.kz.
Soltústik Qazaqstan oblysynyń soltústik-batysynda, soltústiginde naızaǵaı, tuman kútiledi. Ońtústik-batystan soǵatyn jel soltústik-batysqa aýysady, túnde oblystyń ońtústiginde ekpini 15-20 m/s, kúndiz basym bóliginde kúshi 15-20 m/s, oblystyń ońtústiginde ekpini 23-28 m/s soǵady.
Qaraǵandy oblysynyń ońtústik-batysynan jel soǵady. Kúndiz oblystyń batysynda ekpini 15-20 m/s kútiledi. Túnde oblystyń soltústiginde, shyǵysynda topyraq betinde 2 gradýs úsik júredi. Oblystyń batysynda tótenshe órt qaýpi saqtalady.
Aqmola oblysynyń soltústik-batysynda, kúndiz basym bóliginde naızaǵaı kútiledi. Ońtústik-batystan jel soǵady, túnde oblystyń soltústik-batysynda, kúndiz basym bóliginde ekpini 15-20 m/s bolady.
Qyzylorda oblysynyń ortalyǵynda ońtústikten, ońtústik-batystan jel soǵady, kúshi 15-20 m/s bolady dep boljandy. Tótenshe órt qaýpi bar.
Aqtóbe oblysynda batystan, soltústik-batystan jel soǵady, kúndiz oblystyń ońtústik-shyǵysynda, shyǵysynda ekpini 15-20 m/s jel kútiledi.