Halyq sanaǵy memlekettik derekter bazasyndaǵy keıbir máselelerdi anyqtaýǵa múmkindik berdi. Bul týraly brıfıngte Ulttyq statıstıka bıýrosynyń basshysy Nurbolat Aıdapkelov málimdedi.
«Halyq sanaǵyn ótkizý barysynda azamattarǵa qatysty birqatar málimetterden qate ketkeni belgili boldy. Sanaqtan ótkender saýaldama toltyrýdyń bastapqy kezeńinde keıbir joldardyń avtomatty túrde toltyrylatynyn ańǵarǵan bolar. Bul – aty-jóni, jynysy jáne memlekettik derekter bazasynan alynatyn basqa da aqparattar», dep atap ótti ol.
Onyń aıtýynsha, tórt er adam derekter bazasynda áıel retinde kórsetilgen. Al úsh áıel erkek retinde kórsetilip turǵan.
«Bul adamdarǵa statýstaryn ózgertý úshin Halyqqa qyzmet kórsetý ortalyqtaryna júginýge keńes berildi», dep qorytyndylady óz sózin Bıýro basshysy.
«Egemen-aqparat»