Jalpyǵa birdeı deklarasııalaý júıesine kirý kezinde aktıvter men mindettemeler týraly deklarasııa bir ret usynylady. Bul týraly Memlekettik kirister komıteti habarlady, dep jazady Egemen.kz.
Aktıvter men mindettemeler týraly deklarasııany jeke tulǵa mynandaı erekshe jaǵdaılardy qaıta usynady:
- saılanbaly nemese memlekettik laýazymǵa ne memlekettik nemese olarǵa teńestirilgen fýnksııalardy oryndaýǵa baılanysty laýazymǵa kandıdat;
- banktiń, saqtandyrý (qaıta saqtandyrý) uıymynyń, ınvestısııalyq portfeldi basqarýshynyń iri qatysýshysy bolǵasy keletin tulǵalar;
- joǵaryda atalǵan adamdardyń jubaılary.
«Sondaı-aq, salyq zańnamasyna sáıkes jeke tulǵa buryn usynǵan aktıvter men mindettemeler týraly deklarasııasyna ózgerister jáne (nemese) tolyqtyrýlar engizilýi qajet bolsa, qosymsha deklarasııany tapsyrýyna bolady», dep tolyqtyrdy MKK-de.
2021 jylǵy 15 qyrkúıekte jalpyǵa birdeı deklarasııalaýdyń birinshi kezeńiniń aktıvter men mindettemeler týraly deklarasııasyn tapsyrý merzimi aıaqtalǵan bolatyn.
Jeke tulǵalardyń deklarasııalary boıynsha merzimdi uzartý quqyǵy salyq organyna merzimdi uzartý týraly habarlama jiberilmesten, merzimdi qyzmettegi áskerı qyzmetshilerge beriledi.
Jeke tulǵalardyń deklarasııalaryn áskerı qyzmetshilerdiń usyný merzimi jergilikti áskerı basqarý organynan áskerı qyzmetti ótkerý ornyna ketýi týraly buıryq shyǵarylǵan kúnnen bastap merzimdi qyzmetti ótkerý ýaqyty kezeńine uzartylady.