Almatydaǵy Rysqulov dańǵylynda kólik órtendi, dep jazady Egemen.kz.
Zakon.kz jazýynsha, Volkswagen avtokóligi Rysqulov dańǵylymen shyǵys baǵytta kele jatqan. Júrgizýshiniń aıtýynsha, kenetten kóliktiń kapotynyń astynan qoıý tútin kóterile bastaǵan soń joldyń shetine shyǵyp, júk kóliginiń janyna toqtaǵan. Sol sátte jalyn lap etip, jana bastaǵan.
Kýágerler qansha kómektesse de, kólikti órtten qutqarý múmkin bolmady. Ol birneshe mınýtta janyp ketti. Jalyn jaqyn jerde turǵan júk kóligine qaýip tóndirgen, alaıda órt sóndirýshiler ony qutqaryp qaldy.
Aldyn ala boljam boıynsha, kólikte qysqa tuıyqtalý oryn alyp, ózdiginen jana bastaǵan.