Dúnıejúzilik tazalyq kúni (World Cleanup day) jyl saıyn qyrkúıektiń úshinshi senbisinde ótedi, dep jazady Egemen.kz.
Naýqannyń negizgi mindeti – jurtshylyq nazaryn qorshaǵan orta tazalyǵyna, qoqysty bólek jınaý men qaıta óńdeýge, ekologııalyq ómir saltyn ustanýǵa aýdarý.
Senbiniń tańy atysymen Qazaqstan kóshelerine ekologııalyq jaǵdaıǵa nemquraıly qaramaıtyn myńdaǵan adam shyqty. Solardyń biri - Aqparat jáne qoǵamdyq damý mınıstrliginiń qyzmetkerleri. Olar Nur-Sultannyń eń mańyzdy nyshandarynyń biri «Máńgilik el» saltanat qaqpasynyń aınalasyn tazartty.