Almaty qalasynyń Bostandyq aýdanynda qýraǵan shóp pen aǵash órtenip jatyr, dep jazady Egemen.kz qalalyq TJD-ǵa silteme jasap.
«18 qyrkúıek kúni túski saǵat 11:11mınýtta Almaty qalasy TJD tabıǵı órtterge qarsy jıyntyq jasaǵy Bostandyq aýdany, «Ermensaı» shaǵynaýdany, Araılym kóshesi, 2/12 úıdiń jannyda taý baýraıyndaǵy qurǵaq shóp pen aǵashtardyń janǵany týraly habarlamaǵa shyqty», dep habarlady qalalyq TJD.
О́rt sóndirý brıgadasy kelgen kezde taýdyń baýraıynda jalpy aýdany 1,5 Ga jerde qýraǵan shóp pen aǵash órtengeni anyqtaldy.
О́rttiń úsh qabatty turǵyn úıge taralý qaýipi boldy. Joǵary temperatýradan úsh qabatty úıdiń plastıkalyq terezeleri, saıdıngtan jasalǵan úı jabyndysy qyza bastaǵan.
Departament málimetinshe, órt sóndirý brıgadasy qyzyl jalynnyń taralýyna jol bermedi.
О́rtti sóndirýge 57 adam men 14 birlik tehnıka jumyldyryldy.
«Qabyldanǵan sharalardyń arqasynda órt sóndirildi. Qaza bolǵandar men zardap shekkender joq», dep jazylǵan habarlamada.