Búgin Qyrǵyzstannyń Sholpan-Ata qalasynda trıatlon sprıntten Azııa chempıonaty ótti, dep jazady Egemen.kz.
Áıelder arasyndaǵy synda qazaqstandyq Ekaterına Shabalına kúmis júldeger atandy. UOK baspasóz qyzmetiniń habarlaýynsha, ol olımıadalyq qashyqtyq boıynsha Azııa chempıonatyndaǵy úzdik altylyqqa engen.
Birinshiliktiń altyn jáne qola júldesin japonııalyq Sarıka Nakaıama men Chısato Nakadjıma ıelendi.
Komandanyń ózge de músheleri Nadejda Bekmaǵanbetova - 4-shi, Iýlııa Ozerova 8-shi orynnan kóringen.
Erler arasyndaǵy básekede eki qazaqstandyq sportshy úzdik nátıje kórsetti. Daryn Qonysbaev Azııa chempıony atansa, Aıan Beısenbaev qolany qanaǵat tutty. Japondyq Kıotaro Ioshıkava kúmis júldeni ıelendi.
Meıirlan Ysqaqov - 7-shi, Temirlan Temirov 8-shi satydan kórindi.
15 jasqa deıingi sportshylar arasynda jeńisti qazaqstandyq sportshylar ózara bólisti. Nıkıta Dýbınskıı - altyn, Stanıslav Glok - kúmis, Tımýr Bákirov qola júlde jeńip aldy.
Qyzdar arasyndaǵy synda qazaqstandyq Dıana Erjanova top jardy. Taǵy bir qazaqstandyq sportshy Angelına Redchenko úzdik úshtikti tuıyqtady.