Veterınarlyq stansııa dırektory men esepshisi 62,9 mıllıon teńge bıýdjet qarjysyn jymqyrǵany úshin sottaldy, dep habarlaıdy Egemen.kz QR Sybaılas jemqorlyqqa qarsy agenttigine silteme jasap.
Qyrkúıek aıynda Shý aýdandyq sotynyń úkimimen «Shý aýdanynyń Veterınarlyq stansııasy» ShJQ KMK dırektory D. Tilemisov (QK 189-baby 4-bóligi 2-tarmaǵy) - 8 jylǵa, mekemeniń bas býhgalteri S. Aýkesheva (QK 189-b. 4-b. 2-t.) 7 jyl merzimge bas bostandyǵynan aıyryldy.
«Olar is júzinde jetkizilmegen taýar-materıaldyq qundylyqtar úshin úlestes kompanııalardyń shottaryna olardy negizsiz aýdarý jolymen, sondaı-aq ózderine kóterińki jalaqy, syılyqaqylar men issapar shyǵystaryn negizsiz aýdarý jolymen 62 954 936 teńge somasynda bıýdjet qarajatyn jymqyrý kúdigine ilindi», dep jazylǵan vedomstvonyń baspasóz habarlamasynda.