COVID-19 taralýyna jol bermeý jónindegi VAK álem elderindegi epıdahýalǵa sholý jasady, dep jazady Egemen.kz.
Taıland bıligi Bangkokty shetel týrısteri úshin qazan aıynyń 15-nen bastap ashatyn boldy. Buryn ol 1 qazanǵa belgilengen edi. Oǵan qalada vaksınasııa qarqynynyń tómendigi sebep boldy. Pattaııa kýrorty ornalasqan Chonbýrı, Chıang Maı, Phetbýrı jáne Prachýapkhırıkhanda da týrısterdi qabyldaý merzimi keıinge shegerilýi múmkin.
Shveısarııa Úkimeti elge kirýdiń jańa erejesin engizdi. 20 qyrkúıekten bastap vaksına alǵanyn nemese KVI-men aýyryp-jazylǵanyn rastaıtyn qujat bolmasa, saıahatshylar PTR-test nátıjesin usynýy kerek. Sodan keıin 4-7 kúnnen keıin qaıta tekserýden ótedi.
London metrosynyń operatorlary COVID-19-ǵa baılanysty eskalatorlarda qulap qalý oqys jaǵdaılarynyń óskenin habarlady. Densaýlyǵyna asa saqtyqpen qaraıtyn jolaýshylar vırýs juqtyrýdan qorqyp, eskalator qorshaýyn ustamaýǵa tyrysady.